नेपाल चेम्बर अफ कमर्सका अध्यक्ष राजेन्द्र मल्लले कृषिकर्जा खेत किन्नेलाई भन्दा पनि खेती गर्नेलाई प्रदान गर्न सरकारसँग माग गर्नुभएको छ ।
मंगलवार काठमाडौंमा भएको नेपाल चेम्बर अफ कमर्सको ७३ औं वार्षिक साधरण सभामा बोल्दै अध्यक्ष मल्लले यस्तो माग गर्नुभएको हो । उहाँले बैंक तथा वित्तीय संस्थाहरुले कृषि कर्जाका नाममा अहिलेसम्म खेती गर्नेलाई भन्दा पनि खेत किन्नेलाई दिने गरेको भन्दै सरकारले पनि सोहीअनुसार कृषिकर्जा प्रदान गर्नुपर्ने बताउनु भयो । अध्यक्ष मल्लले सरकारले कृषिमा दिँदै आएको सहुलियत कर्जा निरन्तरता दिनु पर्नेमा जोड दिनुभयो । उहाँले भन्सारमा कारोबार मूल्यलाई मान्यता दिई ढड्डाबाट पैसा उठाउने विधि तत्काल खारेज गर्नुपर्ने बताउनु भयो । उहाँले सरकारले युवाहरुलाई मुलुकभित्रै रोजगारी दिनेगरी तत्काल रणनीतिक योजना बनाउन आग्रह गर्नुभयो । अध्यक्ष मल्लले मुलुकको अर्थतन्त्र आयातमुखी भएको बताउनु भयो । उहाँले कृषिप्रधान देश नेपालले वार्षिक खर्बौं रुपैयाँ भन्दा बढीको खाद्यान्न तथा खाद्य सामाग्रीहरु आयात गरी उपभोग गरिरहेको बताउनु भयो । उहाँले मुलुकमा भएको प्राकृतिक स्रोत र साधनहरुलाई प्रवद्र्धन, उत्पादन,उपभोग र निर्यात गर्न आवश्यक रहेको उल्लेख गर्नुभयो । उहाँले तुलानामत्मक लाभ भएका कृषि,जलस्रोत,पर्यटन र आइटीको क्षेत्रमा स्वदेशी तथा विदेशी लगानी भित्र्याउन आवश्यक रहेको दाबी गर्नुभयो । उहाँले हस्तकलाका सामग्री,खानीजन्य वस्तुहरु,बहुमूल्य रत्न पत्थर उत्पादन तथा ब्राण्डिङ गरी निर्यात प्रवद्र्धन गर्ने वातावरण सरकारले बनाउनुपर्ने बताउनु भयो ।
उहाँले भन्नुभयो,‘मुलुकको अर्थतन्त्र आयातमुखी हुन पुगेको छ । कृषिप्रधान देश नेपालले वार्षिक खबौं रुपैयाँ भन्दा बढीको खाद्यान्न तथा खाद्य सामग्रीहरु आयात गरी उपभोग गरिरहेको अवस्था छ । मुलुकमा भएको प्राकृतिक स्रोत र साधनहरुलाई प्रवद्धन, उत्पादन,उपभोग र निर्यात गर्न आवश्यक छ । तुलानामत्मक लाभ भएका कृषि,जलस्रोत,पर्यटन र आइटीको क्षेत्रमा स्वदेशी तथा विदेशी लगानी भित्र्याउन अति आवश्यक छ । हस्तकलाका सामग्री,खानीजन्य वस्तुहरु,बहुमूल्य रत्न पत्थर उत्पादन तथा ब्राण्डिङ गरी निर्यात प्रवद्र्धन गरिनुपर्छ । आर्थिक गतिविधि बिस्तार र निर्यात प्रवद्र्धनका लागि संसदमा विचाराधिन कानूनहरु यथाशिघ्र संशोधन गरी पारित गर्न चेम्बरको माग छ । नेपालमा काठको आयातलाई बन्द गर्नुपर्छ । भन्सारका मुख्य नाकाहरुमा अन्तर्राष्ट्रिय स्तरको क्वारेन्टटाइन ल्याव स्थापना गरी निर्यात प्रवद्र्धन र आयातलाई व्यवस्थित तुल्याउनुपर्छ । गाँजा खेतीलाई कानूनी मान्यता दिनुपर्छ । कृषिमा दिँदै आएको सहुलियत कर्जा निरन्तरता पाउनुपर्छ । कृषिकर्जा खेत किन्नेलाई नभई खेती गर्नेलाई प्रादान गरिनुपर्छ भन्न चाहन्छु । भन्सारमा कारोबारमूल्यलाई मान्यता दिई सन्दर्भ मूल्य ढड्डाबाट पैसा उठाउने विधि छ । तत्काल खारेज गर्नुपर्छ । युवाहरुलाई रोजगारी दिने गरी सरकारले तत्काल रणनीतिक योजना बनाउनुपर्छ ।’
उहाँले आर्थिक गतिविधि बिस्तार र निर्यात प्रवद्र्धनका लागि संसदमा विचाराधिन कानूनहरु यथाशिघ्र संशोधन गरी पारित गर्न माग गर्नुभयो । उहाँले नेपालमा काठको आयातलाई बन्द गर्न माग गर्नुभयो ।
