कम्बोडियाले दक्षिणपूर्वी एशियाली देशहरूबाट बरामद गरिएको करोडौं अमेरिकी डलर बराबरको लागुऔषध र पूर्ववर्ती रसायनहरू नष्ट गरेको अधिकारीहरूले बताएका छन् । नेशनल अथोरिटी फर कम्ब्याटिंग ड्रग्सका महासचिव मेस भाइरिथले राजधानी नोम पेन्हको उत्तरी बाहिरी भागमा रहेको इन्सिनरेटरमा आयोजित एक समारोहमा अवैध लागुऔषध रसायनहरु जलाइएको हो । हरेक वर्ष जुन २६ मा मनाइने लागुऔषध दुरुपयोग तथा अवैध ओसारपसार विरुद्धको अन्तर्राष्ट्रिय दिवस मनाउन लागुऔषध नष्ट गरिएको बताइएको छ । यो कार्यक्रममा करिव २२.७ मिलियन अमेरिकी डलरको तस्करी बजार मूल्यको कुल ४.१ टन अवैध लागुऔषध जलाइएको थियो । कार्यक्रममा अवैध लागुऔषधका साथै ३ दशमलव २५ टन पूर्ववर्ती रसायन पनि जलाइएको बताइएको छ । लागुऔषध विरोधी प्रहरी विभागका अनुसार कम्बोडियाले सन् २०२४ को जनवरीदेखि मे महिनाको अवधिमा कुल ४.७१ टन लागुऔषध बरामद गरी ३२४ विदेशीसहित ९ हजार ३६९ लागुऔषधसँग सम्बन्धित संदिग्धलाई पक्राउ गरेको छ । राज्यमा लागुऔषध तस्करहरूलाई मृत्युदण्डको सजाय छैन । यसको कानून अनुसार ८० ग्राम भन्दा बढी लागुऔषध ओसारपसारमा दोषी पाइएमा आजीवन जेल सजाय हुनसक्छ ।
