[adrotate banner= “3”]
पोखरा १२ भद्रकालि मार्गमा रहेको पोखरा यूनाइटेड एकेडेमीमा बार्षिक स्पोटर्स मिट २०८१ सुरु भएको छ । तीन दीनसम्म संचालन हुने उक्त स्पोटर्स मिटको आज (बुधबार) एक समारोहका बिच सांसद मन बहादुर गुरुङले उद्घाटन गर्दै बिद्यालयले शिक्षासंगै खेलाडी उत्पादनको लागि विभिन्न खेलकुद गतिविधि गर्नूपर्नेमा जोड दिनु भयो ।
उहाँले हरेक व्यक्तिसंग विभिन्न क्षमता हुने हुदा आफ्नो प्रतिभा प्रष्फुटन गर्न बिद्यार्थीहरुमा आग्रह गर्नु भयो । सांसद गुरुङले नेपालका सन्दिप लामिछाने, सावित्रा भण्डारी देखि विदेशी खेलाडी मेसी, रोनाल्डो जस्ता खेलाडीहरु पोखराले पनि उत्पादन गर्न सक्ने दाबी गर्नु भयो । फरक प्रंशगमा उहाँले नेपाल विधि र असलशासनमा चल्न सके छिट्टै विकास हुने दाबी गर्नु भयो ।
कार्यक्रममा प्रदेश खेलकुद परिषद गण्डकीका उपाध्यक्ष धोज कुमार गुरुङले कुनै पनि खेलकुद प्रतियोगिताहरुमा सहभागि हुनु ठुलो कुरा भएको उल्लेख गर्दै खेलमा जित हार दोश्रो पक्ष भएको बताउनु भयो । विद्यालयका प्रिन्सिपल बयन बहादुर गोदारले बिद्यार्थीहरुको शिक्षासंगै अतिरिक्त कृयाकलापमा जोड दिन उक्त कार्यक्रम बार्षिक रुपमा आयोजना गर्दै आएको बताउनु भयो ।
बिद्यालय व्यबस्थापन समितिका अध्यक्ष शिवबहादुर भण्डारीको अध्यक्षतामा सम्पन्न भएको उद्घाटन सत्रमा बिद्यालयका सहप्रध्यानाध्यापक देवेन्द्र अधिकारी, शिक्षक फणिन्द्रराज पौडेलले लगायतले शिक्षासंगै खेलकुदको महत्वको बारेमा चर्चा गर्नु भएको थियो । उद्घाटन सत्रमा बिद्यार्थीहरुले मार्च पास गर्नु भएको थियो भने सांसद गुरुङले सलामी ग्रहण गर्नु भएको थियो । शुक्रबारसम्म चल्ने उक्त स्पोट्र्स मिटमा फुटवल, भलिवल, बास्केटवल लगायतका विभिन्न प्रतियोगिताहरु हुने भएको छ ।
[adrotate banner= “4”]
[adrotate banner= “5”]
[adrotate banner= “6”]
