इजरायली निकासी आदेशपछि मध्य गाजा पट्टीको बुरेइज शरणार्थी शिविर र त्यसको बाहिरी इलाकाबाट हजारौं प्यालेस्टाइनीहरू बिस्थापित भएका छन् । धेरै बिस्थापितहरू मध्य गाजाको देइर अल–बालाह र नुसेरातमा गएका थिए । इजरायली सेनाका प्रवक्ता अविचाय अद्राईले आइतवार बुरेइज र शुहादा क्षेत्रका बासिन्दामाथि आतंकवादी संगठनहरुद्वारा आक्रमण भएपछि उनीहरु बिस्थापित भएका हुन् । अद्राईले बुरेइज र शुहादाका केही भागका बासिन्दाहरूलाई उनीहरूको सुरक्षाको लागि दक्षिणी गाजाको अल–मवासीमा रहेको मानवीय क्षेत्रमा तुरुन्तै जान आग्रह गर्नुभयो । इजरायली सेनाले निकासी आदेश जारी गरेको र तिब्र शत्रुताका कारण गाजाभरि दशौं हजार मानिसहरूले आन्तरिक विस्थापनको नयाँ लहरहरू अनुभव गरिरहेका छन् । गाजापट्टीमा जारी इजरायली आक्रमणबाट प्यालेस्टाइनीको मृत्यु हुने संख्या बढेर ३९ हजार ३२४ पुगेको छ ।
