वन तथा वातावरणमन्त्री ऐनबहादुर शाही ठकुरीले बाघको संरक्षण गर्न सहज नभएको बताउनुभएको छ ।
सोमवार विश्व बाघ दिवस– २०२४ को अवसरमा आयोजित कार्यक्रममा बोल्दै वन मन्त्री ठकुरीले यस्तो बताउनुभएको हो । उहाँले नेपालमा बाघको संरक्षण सजिलो नभएको र बाघको संरक्षण गर्न ठूलो घाँसे मैदान,पानी,वन पर्याप्त आहार आवश्यक पर्ने बताउनु भयो । उहाँले बाघ बढाउन वा संरक्षण गर्न जरायो, मृग,चौंरी गाई,बँदेल जस्ता आहार प्रजातीको संख्या बढ्नुपर्ने बताउनु भयो । उहाँले बाघको आहार प्रजातीका वन्यजन्तु संरक्षणमा प्राप्त वन र पानीको आवश्यकता हुने तर नेपालमा प्राप्त नभएको बताउनु भयो । उहाँले सरकारले सबै कार्यलाई निरन्तरता दिन वन्यजन्तुको वासस्थान व्यवस्थापन,चोरी,शिकारी नियन्त्रण,भौतिक पूर्वाधार विकासको वातावरणीय नियमन अध्ययन अनुसन्धान आवश्यक रहेको बताउनु भयो । उहाँले बाघ संरक्षणको लागि सरकारले ठूलो लागत व्यहोर्नुपरेको बताउनु भयो । उहाँले जनताले जीवन आपनका त्याग गरेर मुलुकले भौतिक पूर्वाधारको विकासमा समेत नियन्त्रण गरेर भएपनि बाघ संरक्षण लगायत जैविक विविधता संरक्षण गर्दै आएको उल्लेख गर्नुभयो ।
उहाँले भन्नुभयो,‘नेपालले बाघ संरक्षणमा विश्वसामु देखाएको उत्कृष्ट नमूना सबैले प्रशंसा गरिरहेका छन् । संयुक्त राष्ट्र संघले पारिस्थितिय प्रणालीको पुनःस्थापना दशकका सन्दर्भमा विश्वका सात भू–भागहरु छनोट गर्दा नेपालको तराई भूपरिधिलाई समेत छनोट गरेको थियो । बाघको संरक्षण सजिलो छैन । ठूलो घासे मैदान,पानी वन पर्याप्त आहार आवश्यक पर्छ । बाध बढाउन वा संरक्षण गर्न जरायो, मृग,चौँरी गाई,बँदेल जस्ता आहार प्रजातिको संख्या बढ्नुपर्ने हुन्छ । यी सबै कार्यलाई निरन्तरता दिन वन्यजन्तुको वासस्थान व्यवस्थापन,चोरी शिकारी नियन्त्रण,भौतिक पूर्वाधार विकासको वातावरणीय नियमन अध्ययन अनुसन्धान आवश्यक छ । जसका लागि नेपाल सरकारले लागत व्यहोर्नुपरेको छ । जनताले जीवनयापनका त्याग गरेर मुलुकले भौतिक पूर्वाधारको विकासमा समेत नियन्त्रण गरेर भएपनि बाघ संरक्षण लगायत जैविक विविधता संरक्षण गर्दै आएको छ ।’
उहाँले नेपालले बाघ संरक्षणमा विश्वसामु देखाएको उत्कृष्ट नमूना सबैले प्रशंसा गरेको बताउनु भयो । उहाँले संयुक्त राष्ट्र संघले पारिस्थितिय प्रणालीको पुनस्थापना दशकका सन्दर्भमा विश्वका सात भू–भागहरु छनोट गर्दा नेपालको तराई भूपरिधिलाई समेत छनोट गरेको बताउनु भयो ।
