दोलखामा स्टाफ नर्स पढ्दै गरेकी पोखराकी एक किशोरीले पोखराबाट दोलखा पुगेकै भोलिपल्ट नर्सिङ कलेजको ५ तलामाथिबाट हामफाल्दा मृत्यु भएको हो ।
पोखरा महानगरपालिका– १० रामबजार घर भई हाल दोलखामा बसेर नर्सिङ पढ्दै गरेकी १८ वर्षीया करुणा अधिकारीको पाँच तला माथिबाट हामफाल्दा मृत्यु भएको जिल्ला प्रहरी कार्यालय दोलखाले जनाएको हो ।
बिहीबार दोलखा सदरमुकाम चरिकोटमा रहेको च्छो रोल्पा नर्सिङ कलेजमा नर्सिङ पहिलो वर्षमा अध्ययनरत अन्दाजी १९ वर्षीया करुणा अधिकारीले होस्टलको पाँच तलामाथिबाट हाम फालेकी हुन् ।
उनको गएराति ११ बजे उपचारका क्रममा भक्तपुरको मध्यपुर अस्पतालमा निधन भएको जिल्ला प्रहरी कार्यालय दोलखाका प्रमुख प्रहरी नायब उपरीक्षक दीपक खड्काले जानकारी दिएका थिए ।
अधिकारी बिदामा पोखरा आएकी र बुधबार मात्र चरिकोट फर्किएको र घरबाट फर्किएको एक दिनमै उनले होस्टलको पाँचौ तलाबाट हाम फालेको कलेजका सञ्चालक पृथ्वी बहादुर श्रेष्ठले जानकारी दिएका छन् । उनको अनुसार युवतीले डिप्रेसनको औषधि समेत सेवन गर्दै आएकी थिइन् ।
