पोखरा,
दीर्घायु पोखरा हस्पिटल प्रा.लि. र नेपाल इन्भेष्टमेण्ट मेगा बैंक लि. बिच बैंकका ग्राहकलाई विशेष छुट प्रदान गर्ने सम्झौतामा हस्ताक्षर भएको छ । यो संगै बैंकका सम्पूर्ण ग्राहकहरूले तथा कर्मचारीहरुलाई उक्त अस्पतालको विभिन्न सेवामा ५%—२०% सम्मको आकर्षक छुट प्राप्त गर्नेछन् ।
दीर्घायु पोखरा हस्पिटल प्रा.लि. का प्रबन्ध निर्देशक राधा कृष्ण पोखरेल र नेपाल इन्भेष्टमेण्ट मेगा बैंक लि. सिर्जनाचोक शाखाका शाखा प्रबन्धक लेखनाथ गौतम द्वार हस्ताक्षरित उक्त सम्झौता लागू भए सँगै बैंकका सम्पूर्ण ग्राहकहरू, कार्ड प्रयोगकर्ताहरू साथै कर्मचारीहरू तथा तिनका पारिवारीक सदस्यहरूले उक्त अस्पतालबाट एक्स–रे शुल्कमा १०%, शल्यक्रिया शुल्कमा २०%, प्रयोगशाला शुल्कमा २०%, बेड शुल्कमा २०% र फार्मेसीमा पनि विशेष छुटको लाभ लिन सक्नेछन् ।
सो समारोहमा दीर्घायु पोखरा हस्पिटल प्रा.लि. का तर्फबाट रिलेसन म्यानेजर शालिग्राम गौतम र नेपाल इन्भेष्टमेण्ट मेगा बैंक लि. का तर्फबाट कर्जा अधिकृत अमृत रेग्मी समेत उपस्थिति रहेको थियो ।
