पोखरा,
दीर्घायु पोखरा हस्पिटल प्रा.लि. र सानिमा बैंक बिच बैंकका ग्राहकलाई विशेष छुट प्रदान गर्ने सम्झौतामा हस्ताक्षर भएको छ । यो संगै बैंकका सम्पूर्ण ग्राहकहरूले तथा कर्मचारीहरुलाई उक्त अस्पतालको विभिन्न सेवामा ५%—२०% सम्मको आकर्षक छुट प्राप्त गर्नेछन् ।
दीर्घायु पोखरा हस्पिटल प्रा.लि. का प्रबन्ध निर्देशक राधा कृष्ण पोखरेल र सानिमा बैंक बगर शाखाका शाखा प्रबन्धक प्रकाश पौडेल द्धारा उक्त सम्झौतामा हस्ताक्षर भएको हो ।
उनिहरु द्धारा हस्ताक्षरित उक्त सम्झौता लागू भए सँगै बैंकका सम्पूर्ण ग्राहकहरू, कार्ड प्रयोगकर्ताहरू साथै कर्मचारीहरू तथा तिनका पारिवारीक सदस्यहरूले उक्त अस्पतालबाट एक्स–रे शुल्कमा १०%, शल्यक्रिया शुल्कमा २०%, प्रयोगशाला शुल्कमा २०%, बेड शुल्कमा २०% र फार्मेसीमा पनि विशेष छुटको लाभ लिन सक्नेछन् ।
सो समारोहमा दीर्घायु पोखरा हस्पिटल प्रा.लि. का तर्फबाट रिलेसनसिप म्यानेजर शालिग्राम गौतम र सानिमा बैंक का तर्फबाट रिलेसनसिप म्यानेजर जानकी कुवरको समेत उपस्थिति रहेको थियो ।
