स्याङ्जामा साइकल दुर्घटना हुँदा एक किशोरको मृत्यु भएको छ ।
जिल्ला प्रहरी कार्यालय स्याङ्जाका अनुसार मृत्यु हुनेमा पुतलीबजार नगरपालिका ३ काफलडाँडा घर भई हाल वडा १ अभियानपथमा बस्ने ११ वर्र्षीय शिवम परियार रहेको छ ।
उनी गत १५ गते बेलुकी करिब साढे ५ बजे भित्री सडकमा साइकल चलाउने क्रममा लडेर घाइते भएका थिए । साइकलबाट लडेका परियारको दाया खुट्टा र भित्री भागमा चोट लागेको थियो ।
असार १८ गते बिहान ९ बजे अचानक श्वासप्रश्वासमा समस्या आएपछि उनलाई जिल्ला अस्पताल स्याङ्जा पुर्याइएकोमा ९ः३० बजे चिकित्सकले मृत घोषणा गरेको प्रहरीले जनाएको छ ।
सो विषयमा थप अनुसन्धान भइरहेको प्रहरीले जनाएको छ ।
