इजिप्टको नयाँ सरकारको पहिलो मन्त्रिपरिषद् बैठक बसेको छ । जसमा इन्धन अभावका कारण सरकारले लागू गरेको गर्मी दैनिक बिजुली कटौती समाधान गर्ने कुरामा केन्द्रित रहेको बताइएको छ । २०१८ बाट कार्यभार सम्हाल्दै आएका प्रधानमन्त्री मुस्तफा मदबोलीको नेतृत्वमा बसेको बैठकले विद्युत, पेट्रोलियम र अर्थमन्त्रीहरूलाई जतिसक्दो चाँडो विद्युत कटौतीको समस्या समाधान गर्न जिम्मेवारी दिएको छ । इजिप्टका प्रधानमन्त्रीले वर्षको अन्त्यसम्ममा अन्तिम समाधान उपलब्ध गराउने प्रतिवद्धता व्यक्त गर्नुभएको छ । बुधबार इजिप्टको नयाँ मन्त्रिपरिषद्ले रक्षा, परराष्ट्र, न्याय, विद्युत, पेट्रोलियम, वित्त, कृषि, नागरिक उड्डयन, पर्यटन तथा पुरातात्विक मन्त्रीहरू सहित व्यापक फेरबदलको साथ शपथ लिएको थियो ।
