नेपाली काँग्रेसका नेता डा. शशांक कोईरालाले आगामी दिनमा नेपालले महिला प्रधानमन्त्री पाउनेमा निश्चिन्त हुन आग्रह गर्नुभएको छ ।
बुधवार काठमाडौंको धापासीमा नेपाल महिला संघ केन्द्रिय कार्यालयका लागि नयाँ भवन निर्माणको शिलान्यास गर्दै उहाँले यस्तो बताउनुभएको हो । उहाँले नेपालमा महिला प्रधानमन्त्री बनेको हेर्न आफूले चाहेको बताउनु भयो । उहाँले महिलाहरुमा समाजलाई डो¥याउनसक्ने क्षमता हुने बताउनु भयो । उहाँले महिलाहरुलाई हरेक कुरामा अघि सार्न जरुरी रहेको बताउनु भयो । उहाँले आफूले अहिलेसम्म ४ पटक निर्वाचन जितेको र त्यो सबै महिलाहरुको साथ र सहयोगकै कारण जितेको बताउनु भयो । उहाँले महिलालाई हरेक क्षेत्रमा ५० प्रतिशत अधिकार दिनुपर्ने बताउनु भयो ।
उहाँले भन्नुभयो, ‘४ पटक चुनाव जितेँ म आफ्नो क्षेत्रबाट । योगदान महिलाहरुकै थियो । महिलाहरुलाई उच्चसम्म हामीले दिनुपर्छ । म आरणीय शेरबहादुरजीलाई भन्छु ३३ प्रतिशत होइन, महिलाले ५० प्रतिशत पनि पाउनुपर्छ । तर तपाईंहरु सशक्त भुमिका निर्वाह गर्नुस् । घरमा बसेर चुलाचौका गर्ने होइन । नेतृत्व गर्न अगाडि बढ्नुस् । म चुनावमा जाँदा महिला अगाडि भयो भने ढोका खुल्छ, पुरुष भयो भने को आयो भनेर सोध्छ । ढोका खुलेपछि न कुरा गर्न सकिन्छ । यो खालि बिल्डिङ बनेर मात्रै हुँदैन । यसको काम, कर्तव्य, अधिकार के छ ? महिलालाई कसरी आकर्षित गर्नुहुन्छ । महिलाहरुलाई जति आकर्षित गर्नसक्नुहुन्छ, त्यति हामी सफल हुन्छौँ । महिलाहरुलाई ब्याक बेन्च बनाएर हुँदैन, अगाडि सार्नुपर्छ । म त चाहन्छु की महिला प्रधानमन्त्री होस् भनेर । अब आउँदो दिनमा मलाई लाग्छ महिला प्रधानमनत्री तपाईंहरुले पाउनु हुन्छ । महिला प्रधानमन्त्री भयो भने के हुन्छ भने पुरुषहरुको पनि नेतृत्व गर्ने क्षमता हुन्छ, समाजलाई डो¥याउन सक्छ । तर तपाईंहरु सक्षम बन्नुस् । चुलोमा बस्ने मात्रै होइन, समाजमा भिज्नुस् । समाजको त्रुटीलाई सुधार्नुस् । महिलासँग सम्पूर्ण जीवनको साँचो हुन्छ ।’
उहाँले महिलाहरुलाई देशको नेतृत्व गर्नसक्ने गरी सक्षम बन्न आग्रह गर्नुभयो ।
