[adrotate banner= “3”]
प्रधानमन्त्री केपी शर्मा ओलीले देशमा असामाजिक क्रियाकलापहरु फस्टाउन नदिइने बताउनुभएको छ ।
मङ्गलवार सशस्त्र प्रहरी बल नेपालको निरीक्षक आधारभुत तालिमको दीक्षान्त समारोहलाई सम्बोधन गर्दै प्रधानमन्त्री ओलीले विभिन्न शक्तिहरु नेपाली मनलाई विभाजित गर्न खोजेका बताउनुभएको छ । उहाँले साम्प्रदायिक विद्वेष र अराजक क्रियाकलापहरुमार्फत नेपाली मनलाई विभाजित गर्न कोसिस भएको भन्दै त्यसलाई सफल हुन नदिने बताउनु भयो । उहाँले संविधान र कानुन विपरित असामाजिक र अराजनीतिक क्रियाकलापहरु गर्ने प्रयास भइरहेको बताउनु भयो । उहाँले यस्ता क्रियाकलापहरुलाई मौलाउन नदिने स्पष्ट पार्नुभयो । उहाँले सशस्त्र प्रहरी बल नेपालको कानुन सुधारका लागि सरकार दत्तचित्त भएर लागेको बताउनु भयो । उहाँले सो कानून संसदको आगामी अधिवेशनमा अगाडी बढाइने बताउनु भयो ।
उहाँले भन्नुभयो – ‘यतिबेला अनेक प्रकारका शक्तिहरु, नेपाली मनलाई विभाजित गर्न खोज्नेहरु, भुमी त विभाजित गर्न सक्दैनन् । त्यो भन्दा अगाडी नेपाली मनलाई विभिन्न नाममा नेपाली मनहरुलाई विभाजित गर्ने । साम्प्रदायिक विद्वेष अथवा अरु प्रकारका क्रियाकलापहरु अराजकता, संविधान विपरितका क्रियाकलापहरु र कानून विपरितका क्रियाकलापहरु, असामाजिक क्रियाकलापहरु, अराजकता मच्चाउने खालका क्रियाकलाप र प्रयासहरु भइरहेका छन् । म प्रधानमन्त्रीको हिसाबले भन्न चाहन्छु, ति कुराहरुलाई हामीले कुनै पनि हालतमा यस्ता असामाजिक क्रियाकलापहरुलाई मौलाउन, फस्टाउन पनि दिँदैनौँ । सफलताको त कुरै छोडिदिउँ त्यस्ता कुराहरु नेपालमा सफल हुन दिइने छैन । यस्ता कुराहरु प्रति तपाईंहरु सजग हुनुहुन्छ भन्ने मलाई लागेको छ । तपाईहरुको संगठन सजग छ भन्ने मलाई लागेको छ । हामी कानूनी क्षेत्रमा, कानूनमा के–के सुधार गर्नुपर्छ र कसरी सुविधा दिनुपर्छ भन्ने कुरामा अझ दत्तचित्त भएर लागेका छौँ । आगामी संसदको अधिवेशनबाट हामी यि कुराहरु अगाडी बढाउँछौ । कानूनी व्यवस्था पनि अझ बढाउँदै लगिनेछ । उल्लेख्य सुधार गरिनेछ । ३० वर्षे सेवा अवधि हटाइने छ त्यस कानूनबाट । लगायतका अरु कुराहरु पनि हुनेछन् ।’
उहाँले नयाँ कानूनमार्फत सशस्त्र प्रहरी बल नेपालको ३० वर्षे सेवा अवधि हटाइने पनि बताउनु भयो ।
[adrotate banner= “4”]
[adrotate banner= “5”]
[adrotate banner= “6”]
