इण्डोनेसियाको बालीमा आईतवारदेखि आयोजित दोस्रो इण्डोनेसिया–अफ्रिका फोरम (आईएएफ) सम्पन्न भएको छ । कार्यक्रममा १४ सय बढी प्रतिनिधिहरु भेला भएका थिए । कार्यक्रमले ऊर्जा, खाद्य सुरक्षा, स्वास्थ्य र खनिजको प्रमुख क्षेत्रहरूमा इण्डोनेसिया र अफ्रिकी राष्ट्रहरू बीचको साझेदारीलाई बलियो बनाउनमा जोड दिएको छ । इन्डोनेसियाको परराष्ट्र मन्त्रालयका अफ्रिकी मामिलाका निर्देशक डेवी जस्टिसिया मेइडिवाटीले आईएएफले इण्डोनेसिया र अफ्रिकी देशहरू बीचको आर्थिक सम्बन्धलाई सफलतापूर्वक बलियो बनाएको बताउनु भयो । फोरमले राज्यको स्वामित्वमा रहेका उद्यमहरू, राष्ट्रिय कम्पनीहरू, निजी कम्पनीहरूको लागि रणनीतिक प्लेटफर्मको रूपमा काम गरेको छ । साथै माइक्रो, साना र मझौला उद्यमहरू अफ्रिकाका साझेदारहरूसँग पारस्परिक रूपमा लाभदायक सहयोग स्थापना हुने विश्वास छ ।
