टर्किएद्वारा १ हजार ६४४ अनियमित आप्रवासी र ५१ मानव तस्कर पक्राउ

टर्कीका अधिकारीहरूले राष्ट्रव्यापी सञ्चालनमा १ हजार ६४४ अनियमित आप्रवासी र ५१ मानव बेचबिखन आयोजकलाई हिरासतमा लिएको छ । आन्तरिक मन्त्री अली येर्लिकायाले पक्राउ परेका आयोजकहरूमध्ये ११ जना विदेशी नागरिक रहेको बताउनु भयो । येर्लिकायाले हिरासतमा परेका आप्रवासीहरूलाई निर्वासन प्रक्रिया पहिले नै शुरु गरिसकिएको बताउनु भयो । कारवाहीका क्रममा १७ वटा सवारीसाधन, तीनवटा डुङ्गा, आठ वटा लाइसेन्स नभएका हतियार र विभिन्न परिमाणमा अवैध लागूऔषध बरामद गरिएको येर्लिकायाले जानकारी दिनुभयो । सरकारले मानव तस्करी सञ्जालका बढ्दो गतिविधिसँग लड्नका लागि कानूनी ढाँचालाई बलियो बनाएको छ भने अन्तर्राष्ट्रिय सहकार्यलाई पनि बढाएको छ ।