प्रधानमन्त्री केपी शर्मा ओलीले ठग र अपराधमा संलग्नहरुलाई कारबाही गरेरै छाड्ने बताउनुभएको छ ।
उहाँले राष्ट्रिय स्वतन्त्र पार्टी (रास्वपा) का सभापति रवि लामिछानेलाई लक्षित गर्दै चोरले प्रहरी हाकिमलाई हप्काएजस्तो काम भइरहेको दृष्टान्त प्रश्तुत गर्नुभयो । उल्टै चोरले प्रहरीका हाकिमलाई हप्काएजस्तै यहाँ त उल्टै सहकारीमा सहकारी ठगी गर्ने, अरुलाई मुख छाड्ने ? प्रधानमन्त्री ओलीको प्रश्न थियो । शुक्रवार काठमाडौंमा आयोजित जागरण सभामा बोल्दै उहाँले सरकारले गठी र अपराध गर्नेहरुलाई नसहने चेतावनी दिनुभयो ।
प्रधानमन्त्री ओलीले भन्नुभयो, ‘कुनैपनि खालको अपराध, अराजकताहरु जे पनि बोल्न, चरित्र हत्या गर्न पाइने, घृणा फैलाउन पाइने । यो कुरा नेपाली समाजलाई स्वीकार्य छैन । र यस्ता कुराहरुलाई हामी प्रोत्साहित गर्न सक्दैनौ भन्नेकुरा म स्पष्ट गर्न चाहन्छु । हिन्दीमा एउटा भनाई छ–उल्टै चोर कोटवालको डाँठे । उल्टै चोरले प्रहरीका हाकिमलाई हप्काएछ । यस्तै यहाँ त उल्टै सहकारीमा ठगेको कति कति प्रमाणहरु छन् । आफैँ सहकारी ठगी गर्ने, अरुलाई मुख छाड्ने ? अरुलाई गाली गर्ने ? कुनैपनि प्रकारको भ्रष्टाचार सैह्य हुनेछैन । कुनैपनि प्रकारको ठगी सैह्य हुनेछैन । कुनैपनि प्रकारको मानव तस्करी सैह्य हुनेछैन । नेकपा एमाले र अहिलेको सरकारले जोसोकै होस्–अनुहार हेर्दैन, अपराध गर्नेलाई कारबाही गर्छ । त्यो मैले पहिलेदेखि नै भनेको छु ।’
प्रधानमन्त्री ओलीले आफूमाथि लगाइएको आरोप फाल्तु भएको जिकिर गर्दै त्यसमा टिप्पणी गरेर समय खेर फाल्न नचाहेको पनि दोहो¥याउनु भयो । उहाँले आफूमाथि कम्बोडिया र स्विस बैंकमा करोडाँै रकम राखेको भन्नेहरुले प्रमाण ल्याउन पनि चुनौति दिनुभयो ।
प्रधानमन्त्री ओलीले भन्नुभयो, ‘म विभिन्न पार्टीका नेता साथीहरुलाई भन्न चाहन्छु–तपाईहरु नेकपा एमालेतिर औँलो ठडयाएर बोलिरहनुभएको छ । तपाईहरु के साँच्चै बहस गर्न सक्नुहुन्छ ? नेकपा एमालेसँग । तथ्य प्रमाणको आधारमा बहस गर्न सक्नुहुन्छ ? भनिदिए त भयो नि–कम्बोडियामा ३२ हजार करोड, २१ हजार करोड डलर स्विस बैंकमा यति हजार । अब तपाईहरु त हेर्न जान सक्नुहुन्न । भनिदिए भयो । त्यो मात्रै किन भन्ने ? अमेरिका, अमेरिकाको आधा सम्पती मेरै हो । भनि देउन भन्नका लागि । यस्ता फाल्तु कुराहरु गरेर केही पनि हुनेछैन । तर कसले आफ्ना आफन्तलाई अकुत सम्पती थुपारेर सात पुस्ता परसम्मका गोरु बेचेका साईनोसम्मका साधारण पारिवारिक अवस्था गरिव अवस्थाबाट अर्बांैका मालिक, करोडौँका मालिक कसले बनाएको छ ? बसेर छलफल गर्न, बहस गर्न हामी तयार छौं । म त्यतापट्टी जान चाहन्न । मलाई कुनै दन्तबजान गर्नुछैन । ’
प्रधानमन्त्री ओलीले आफन्तहरुलाई समेत पुग्नेगरी सम्पती जोड्ने कामहरु भइरहेको आरोप पनि लगाउनु भयो ।
