पोखरा । आज माघ २ गते २७औँ भूकम्प सुरक्षा दिवस मनाइँदै छ । ‘भूकम्पले सिकाएको पाठ, बलियो संरचना र सुदृढ पूर्वतयारीका साथ’ भूकम्प सुरक्षा दिवस मनाउन लागिएको हो ।
सहरी विकास तथा भवन निर्माण विभागका अनुसार आज काठमाडौं कीर्तिपुर नगरपालिकास्थित बीपी कोइराला मेमोरियल विज्ञान संग्रालय परिसरमा भैकम्प दिवसको मूल समारोह आयोजना गरिनेछ ।
वि.सं. १९९० साल माघ २ गते २ बजेर २४ मिनेटमा गएको महाभूकम्पको स्मृतिमा नेपालमा सरकारले २०५५ सालदेखि हरेक वर्ष माघ २ गतेका दिनलाई भूकम्प सुरक्षा दिवस मनाउँदै आएको छ ।
भूकम्प सुरक्षा दिवसलाई देशव्यापी रुपमा एकरुपता कायम हुने गरी व्यवस्थित, प्रभावकारी तुल्याउन भूकम्प सुरक्षा दिवस मार्गदर्शन २०७१ तर्जुमा समेत गरिएको छ ।
भूकम्पले सिकाएको पाठ, बलियो संरचना र सुदृढ पूर्वतयारीका साथ भन्ने मूल नाराका साथ देशव्यापी रुपमा विविध कार्यकमहरु सञ्चालन गरी २७औँ भूकम्प सुरक्षा दिवस देशैभर मनाउने कार्यक्रम रहेको सहरी विकास तथा भवन निर्माण विभागले जानकारी दिएको छ ।
