पोखरा । बेलायतका राजकुमार एडवर्ड नेपाल भ्रमणमा आउने भएका छन् ।
उनी सन् २०२५ को पहिलो विदेश भ्रमणका क्रममा पत्नी सोफीसहित पारिवारिक भ्रमणका लागि २२ माघ अर्थात ४ फेब्रुअरीमा नेपाल आउने भएका हुन् ।
शाही परिवारको आधिकारिक वेबसाइटमा उनीहरूले नेपाल भ्रमण गर्ने उल्लेख भएता पनि भ्रमणको विस्तृत तालिका भने सार्वजनिक गरिएको छैन ।
उनीहरू एशियाली देशको भ्रमणमा निस्किँदै छन् । यसैक्रममा भ्रमणको सुरुवात नेपालबाट हुन लागेको हो ।
यसअघि राजकुमार एडवर्ड र सोफीले २०२४ को अक्टुबरमा माल्टा भ्रमण गरेका थिए ।
यसअघि २०७२ सालमा बेलायतका राजकुमार ह्यारी नेपाल भ्रमणमा आएका थिए । उनले गोरखासहित बर्दिया, लमजुङ र पोखरा भ्रमण गरेका थिए ।
