पोखरा । स्याङ्जामा बुधबार भेटिएको बम डिस्पोज गरिएको छ ।
स्याङ्जा पुतलीबजार नगरपलिका वडा नं १४ लामागेमा भेटिएको बम आज बिहान ११ः५० बजे सिंह सार्दुल गुल्म आँधीखोला व्यारेक स्याङ्जाको टोलीले डिस्पोज गरेको हो ।
बुधबार बिहान स्थानीय बिष्णुप्रसाद पौडेलको खेतमा जेसीबीले सम्याउने क्रममा टुइचमोटरमा लाग्ने एचई नाम बम भेटिएको थियो ।
बम सुरक्षित तवरले डिस्पोज गर्न सफल भएको प्रहरीले जनाएको छ ।
स्थानीयका अनुसार बम डिस्पोज हुँदा ठूलो आवाज आएको थियो ।
बम डिस्पोजल टोली घटनास्थल नपुग्दासम्म नेपाल प्रहरी र आँधीखोला ब्यारेक स्याङ्जाले सुरक्षा दिएको थियो ।
