[adrotate banner= “3”]
बेल्जियमका लागि प्रश्तावित राजदुत सेवा लम्सालको नाम संसदीय समितिबाट अनुमोदन भएको छ ।
बुधवार सिंहदरबार बसेको समितिको बैठकले प्रश्तावित राजदुत लम्सालको नाम अनुमोदन गरेको हो । सुनुवाईपछि बैठकमा समितिका ज्येष्ठ सदस्य सभपति पशुपति समशेर जबराले प्रश्तावित राजदुत लम्सालको नाम अनुमोदन भएको जानकारी दिनुभयो ।
उहाँले भन्नुभयो, ‘सेवा लम्साललाई बेल्जियमको लागि नेपाली राजदुत पदमा प्रश्ताव गरी नेपालको संविधानको धारा २९२ को उपधारा १ बमोजिम संसदीय सुनुवाई समितिलाई सुनुवाईका लागि नाम प्राप्त भएको, संघीय संसदको संयुक्त बैठक र संयुक्त समिति कार्यसञ्चालन नियमावली २०८० तथा संसदीय सुनुवाई समितिको कार्यविधि, २०८० बमोजिम समितिले सुनुवाई गर्दा योग्यता, क्षमता र अनुभव समेतको आधारमा सोही नियमावलीको नियम २६ को उपनियम ५ बमोजिम प्रश्तावित व्यक्तिलाई प्रश्तावित पदमा अनुमोदन गर्ने ।’
बैठकमा प्रश्तावित राजदुत लम्सालले आफ्नो कार्ययोजना प्रश्तुत गर्नुभएको थियो । उहाँले कार्ययोजना प्रश्तुत गर्दै प्रश्तावित राजदुतहरुले कार्ययोजना बनाउने तर कार्यान्वनय नगर्ने गरेको पाएको भन्दै आफूले प्रश्तुत गरेअनुसारका कामहरु कार्यान्वयन गर्दै जाने प्रतिवद्धता जनाउनु भयो । उहाँले आफूले आइटी क्षेत्र नेपालका लागि धेरै राम्रो रहेकाले बेल्ज्यिमबाट आइटीका लागि आवश्यक कामहरु अघि बढाउने प्रतिवद्धता समेत व्यक्त गर्नुभयो । राजदुतहरु मुलुकको लागि भन्दा पनि आफ्नै लागि र अवकाशप्राप्त जीवन आराम गर्न जाने भन्ने कुराहरु आएको भन्दै आफ्नो पनि अवकाश हुन लागेको तर काम गरेर देखाउनका लागि जान लागेको बताउनु भयो ।
उहाँले भन्नुभयो, ‘कार्ययोजना यस्तो खालको आओस्, वा भनौँ जे लेखे पनि हुने, नलेखे पनि हुने, वा गरे पनि हुने र नगरे पनि हुने खालको भइरहेको छ । त्यस्तो हुनु भएन । मुख्य कुरा त्यो हो । यो अनुसार कति काम भयो भन्नेकुरा मुख्य हुन्छ । आइटी क्षेत्र मैले सोचेको कुरा हो । बिस्तारै यो क्षेत्रका मानिससँग सम्पर्क गरेर आइटीमा कसरी राम्रो काम गर्न सकिन्छ, त्यसमा विचार गर्नेछु । राजदुतहरु मुलुकको लागि भन्दा पनि आफ्नै लागि र अवकाशप्राप्त जीवन आराम गर्न जाने भन्ने पनि कुरा आयो । त्यस्तो होला जस्तो मलाई लाग्दैन । भइरहेका राजदुतमध्ये आफू कसरी अघि बढ्ने भन्ने प्रतिष्पर्धा हुन्छ । आतिथ्य मुलुकले कति सम्बन्ध राख्न चाहेको हुन्छ, सहयोग आदानप्रदान, कति हामीले विश्वस्त पार्न सकेका छौँ । उच्चस्तरीय भ्रमण लगायत कुरा जोडिन्छ । अवकाश त म हुँदैछु । तर के छ भने अवकाशको जीवन बिताउन भन्दा पनि केही गरेर देखाउन मन छ । राष्ट्रिय हितलाई ध्यान दिएर काम गर्नेछु ।’
प्रश्तावित राजदुत लम्सालले आतिथ्य मुलुकले कति सम्बन्ध राख्न चाहेको हुन्छ, सहयोग आदानप्रदान र यसअघि कति विश्वस्त पारेको छ भन्नेकुराले धेरै महत्व राख्ने बताउनु भयो ।
[adrotate banner= “4”]
[adrotate banner= “5”]
[adrotate banner= “6”]
