गत हप्ता इजरायली हमलाले अघिल्लो वाणिज्य दुतावासलाई ध्वस्त पारेपछि इरानी विदेशमन्त्री होसेन अमीर–अब्दुल्लाहियानले सोमवार सिरियाको राजधानी दमास्कसमा नयाँ वाणिज्य दुतावासको भवन उद्घाटन गर्नुभएको छ । अमिर–अब्दुल्लाहियान, सिरियाली विदेशमन्त्री फैसल मेकदादसँगै अघिल्लो भवनको छेउमा रहेको नयाँ वाणिज्य दुतावासको उद्घाटन समारोहमा उपस्थित हुनुभएको थियो । जुन केही दिन अघि इजरायली मिसाइल आक्रमणले ध्वस्त पारेको थियो । अप्रिल १ मा इरानी वाणिज्य दुतावासमा इजरायली हमलापछिको पहिलो भ्रमणका लागि अमिर–अब्दुल्लाहियान सोमवार दिउँसो दमास्कस आइपुग्नुभएको थियो । दमास्कस भ्रमणका क्रममा अमिर अब्दुल्लाहियानले सिरियाली राष्ट्रपति बसर अल–असद, विदेशमन्त्री फैसल मेकदाद र सिरियाली राष्ट्रिय सुरक्षाका अधिकारीहरूसँग भेटघाट गर्नुभएको थियो । मन्त्रीले इजरायली आक्रमण अनुत्तरित नहुने बताउनु भयो । आफ्नो पक्षको लागि, मेकदादले इरानी वाणिज्य दुतावासमा इजरायली आक्रमणलाई अन्तर्राष्ट्रिय कानून र मानवताका सबै मूल्यहरूको उल्लङ्घनको रूपमा आलोचना गर्नुभयो ।
