पोखरा । आज नेपाली बजारमा सुनचाँदीको मूल्य घटेको छ । शुक्रबारको तुलनामा आइतबार छापावाल सुनको मूल्य तोलामा नौ सय रुपैयाँ घटेको नेपाल सुनचाँदी व्यवसायी महासंघले जनाएको छ ।
मूल्य घटेसँगै छापावाल सुनको मूल्य तोलामा एक लाख ७४ हजार एक सय रुपैयाँ कायम भएको छ ।
यसअघि शुक्रबार छापावाल सुनको मूल्य तोलामा एक लाख ७५ हजार रुपैयाँ रहेको थियो ।
पोखरा बजारमा आज सुनको भाउ एक लाख ७४ हजार छ सय रुपैयाँ कायम भएको नेपाल सुनचाँदी रत्न तथा आभूषण संघ कास्कीले जनाएको छ ।
यस्तै, आज असली चाँदीको मूल्य पनि घटेको छ । शुक्रबार तोलामा एक हजार नौ सय ९५ रुपैयाँ कायम भएको चाँदीको मूल्य आइतबार तोलामा १५ रुपैयाँ घटेर एक हजार ९ सय ८० रुपैयाँ कायम भएको छ ।
पोखरामा आज चाँदीको भाउ दुई हजार १० रुपैयाँ कायम भएको छ ।
