तनहुँ । तनहुँमा वनमा घाँस काट्न गएका दुई महिलाको लडेर मृत्यु भएको छ ।
मृत्यु हुनेमा ऋषिङ गाउँपालिका वडा नं ३ सोलुङका ६२ वर्षीया श्रीमाया राना र देवघाट गाउँपालिका वडा नं २ बस्ने २६ वर्षीया खिमसरा मगर छन् ।
जिल्ला प्रहरी कार्यालयका प्रहरी नायब उपरीक्षक अशोक थापाका अनुसार उनीहरुले सोलुङस्थित कटोर्के सामुदायिक वनमा घाँस काट्ने क्रममा उक्त घटना भएको हो ।
बिहान ७ बजेको समयमा घाँस काट्न गएका उनीहरु नफर्किएपछि खोजतलास गर्ने क्रममा घाँस काटेको स्थानदेखि अन्दाजी एक सय मिटर तल उनीहरुको शव भेटिएको थियो ।
घटनाका सम्बन्धमा थप अनुसन्धान भइरहेको प्रहरीले जनाएको छ ।
