पोखरा महानगरपालिका २७ अर्घौमा रहेको त्रिवेणी पब्लिक माध्यमिक विद्यालयका कक्षा ९ मा अध्ययनरत विद्यार्थीले कक्षा १० का विद्यार्थीलाई विदाई गरेका छन् । आसन्न माध्यमिक शिक्षा परीक्षा (एसइई) मा सहभागी हुन लागेका विद्यार्थीको सफलताको कामना गर्दै बिद्यालयमा विदाई तथा शुभकामना कार्यक्रम गरिएको हो ।
कार्यक्रमका प्रमुख वक्ता एवं बिद्यालयका प्राचार्य बिष्णु प्रसाद अधिकारीले विद्यार्थीको उज्ज्वल भविष्यको शुभकामना दिए । बिद्यालयले विद्यार्थीको चौतर्फी विकास र नतिजा सुधारका लागि आफ्नो तर्फबाट गर्नुपर्ने सम्पूर्ण प्रयत्न गरिरहेको उनले बताए । प्राचार्य अधिकारीले भने, ‘अभिभावकहरुको सहयोगले नै बिद्यालयले आजसम्मका उपलब्धि प्राप्त गरेको हो, त्यसैले आगामी नतिजा पनि उत्कृष्ट आउने कुरामा म विश्वस्त छु ।’ उनले विद्यार्थीलाई अनुशासित भएर मेहनत गर्न र परीक्षामा उत्कृष्ट प्रदर्शन गर्न समेत आग्रह गरे ।
