पोखरा–७, रत्नचोकस्थित सबलाइम माध्यमिक विद्यालयको ३० औं वार्षिकोत्सव विविध कार्यक्रमसहित सम्पन्न भएको छ।
पोखरा सभागृहमा भएको उक्त समारोहमा पोखरा महानगरपालिका शैक्षिक प्रशासन महाशाखा प्रमुख हेमप्रसाद आचार्यको प्रमुख आतिथ्य थियो ।
समारोहमा प्रमुख अतिथि आचार्य, पोखरा ७ का वडाध्यक्ष राममोहन आचार्य, राष्ट्रिय परीक्षा बोर्ड परीक्षा व्यवस्थापन कार्यालय गण्डकी प्रदेश उपसचिव ईश्वरी शाह पाण्डे, प्याब्सन केन्द्रीय सल्लाहकार वीरबहादुर बुढाथोकी, प्याब्सनका केन्द्रीय उपाध्यक्ष प्रेमप्रसाद शर्मा सुवेदी, प्याब्सन कास्की अध्यक्ष षडानन्द गौतम, प्याब्सन गण्डकी वरिष्ठ उपाध्यक्ष विश्वराज बास्तोलालगायतले आफ्नो मन्तव्य राखेका थिए ।
सो अवसरमा विद्यालयको वार्षिक परीक्षामा उत्कृष्ट जिपिए ल्याउने विद्यार्थीलाई सो अवसरमा ट्रफी तथा प्रमाणपत्र प्रदान गरिएको थियो । विद्यालय व्यवस्थापन समिति अध्यक्ष एवम् विद्यालयका संस्थापक निर्देशक त्रिभुवन पराजुलीको अध्यक्षतामा भएको समारोहमा एसइईमा ४ जिपिए ल्याउने २ जना विद्यार्थीलाई नगद ५ हजारसहित दोसल्ला ओढाएर सम्मान गरियो ।
२०८१ को एसइई र २०८२ को कक्षा १२ कक्षा उत्तीर्ण विद्यार्थीसमेत मायाको चिनो प्रदान गरियो ।
कार्यक्रममा विद्यार्थीले विभिन्न सांस्कृतिक कार्यक्रम नृत्य तथा गायन प्रस्तुत गरेका थिए ।
साथै, विभिन्न विद्यालयका संस्थापक, प्रिन्सिपल, अभिभावक, समाजसेवी, शिक्षाप्रेमी, अभिभावक तथा विद्यालयको उल्लेख्य उपस्थिति थियो ।
