काठमाडौं । निर्वाचन आयोगले आगामी फागुन २१ गते हुने प्रतिनिधिसभा सदस्य निर्वाचनको सुरक्षा व्यवस्था कडा पार्न गृह मन्त्रालयलाई निर्देशन दिएको छ । आयोगले निर्वाचनको समयमा निषेधित कार्य हुन नदिन र भएमा तत्काल कारबाही गर्न आग्रह गरेको हो ।
आयोगले फागुन १८ गते राति १२ बजेदेखि मौन अवधि (प्रचारप्रसार निषेध अवधि) लागू हुने जनाएको छ । यो समयमा निर्वाचन आचारसंहिता उल्लंघन गर्नेलाई तत्काल पक्राउ गरी कारबाही गर्न गृह मन्त्रालयमार्फत ७७ वटै जिल्लाका प्रमुख जिल्ला अधिकारी र सुरक्षा निकायलाई निर्देशन दिइएको छ ।
