पोखरा । पोखरा महानगरपालिका वडा नं. १२ स्थित हिलप्वाइन्ट माविमा फुड फेस्टिभल, चित्रकला प्रदर्शन र पुरस्कार वितरण कार्यक्रममा एलकेजीका अभियान श्रेष्ठले हनुमान चालिसा पाठ वाचन गरेका छन् । उनले केही पनि नहेरिकनै हनुमान चालिसाको पूरै पाठ वाचन गरेका हुन् ।
हनुमान चालिसा परापूर्वकालदेखि नै भगवानलाई प्रशन्न पार्ने माध्यम हो ।
नियमित रूपमा हनुमान चालिसाको पाठ गर्ने भक्तको सबै समस्या जरैदेखि हट्ने जनविश्वास छ । हनुमान चालिसा बजरंगबलीको पूजाका लागि तयार गरिएको सहज र सरल पद्य काव्य रचना हो ।
विद्यालयले ५ वर्षको बालकले हनुमान चालिसा पाठ केही पनि नहेरी वाचन गर्नुसक्नु अद्भूत क्षमता भएको जनाएको छ ।
तुलसीदासजी बाल्यकालदेखि नै श्रीराम र हनुमानका भक्त थिए । उनले नै यो काव्यको रचना गरेका हुन् ।
हनुमान चालिसा पाठ गर्दा अनेक प्रकारका समस्याको अन्त्य हुनुका साथै परिवारमा सुख–समृद्धि एवं सुस्वास्थ्य कायम रहने जनविश्वास छ ।
यदि कुनै कारणले मन अशान्त छ भने हनुमान चालिसाको पाठले मनलाई शान्ति प्रदान गर्न सक्छ । यसको पाठले सबै प्रकारको डर (भय) पनि निवारण गर्न सकिने बताइन्छ ।
