पोखरा । बलियो प्रतिद्वन्दी नेपाल पुलिस क्लबलाई हराउँदै इरानले प्रथम लायन्स कप राष्ट्रिय तथा अन्तर्राष्ट्रिय आमन्त्रित भलिबल प्रतियोगिताको उपाधि जितेको छ ।
सोमबार पोखरामा सम्पन्न फाइनल खेलमा पुलिसलाई ३-१ को सेटमा पराजित गर्दै इरानी टोलीले उपाधि जितेको हो ।
पहिलो सेट २५-१८ ले आफ्नो पक्षमा पारेको इरानले दोस्रो सेट २४-२६ ले पुलिसलाई सुम्पिएको थियो ।
त्यसपछि सम्हालिएर खेलेको इरानले तेस्रो सेट २५-१८ र चौथो सेट २५-१७ ले आफ्नो पक्ष पार्न सफल भयो ।
विजेता इरानले चार लाख ४४ हजार चार सय ४४ र उपविजेता पुलिसले दुई लाख लाख ४४ हजार चार सय ४४ रुपैयाँ नगद पुरस्कार हासिल गरेको छ ।
प्रतियोगितामा तेस्रो स्थान हासिल गर्दै त्रिभुवन आर्मीले एक लाख ४४ हजार चार ४४ रुपैयाँ नगद पुरस्कार प्राप्त गरेको छ ।
सशस्त्र प्रहरीको एपीएफलाई हराउँदै आर्मी तेस्रो भएको हो । प्रतियोगितामा सहभागी छ टोलीको सहभागिता रहेको थियो ।
