काठमाडौँ । परराष्ट्रमन्त्री डा. आरजु राणा देउवाले विपिन जोशीको अवस्था अहिलेसम्म स्पष्ट नभएको जानकारी दिएकी छन ।
प्रतिनिधि सभाको बैठकमा बोल्दै मन्त्री राणाले सरकारले अहिलेसम्म धेरै प्रयास गरेको बताउदै अहिलेसम्म विपिनको अवस्था के छ भन्ने बारे जानकारी प्राप्त हुन नसकेको बताएकी हुन् ।
उनले भनिन्, विपिन जोशीको रिहाईको सम्बन्धमा सक्दो प्रयास गरका छौं, अहिलेसम्म विपिनको अवस्था अज्ञात छ ।’
‘केही दिन अघि थाइल्याण्डका एक नागरिकको शव हमासले हस्तान्तरण गरेको जानकारी आएको छ, नेपाली नागरिकको बारेमा केही जानकारी छैन’, उनले भनिन्, ‘हामी सबै जनाले भगवानसँग प्राथना गरौं, हाम्रा छोरा विपिन जोशी सकुशल छन् र कुनै दिन नेपाल फर्किन्छन् भन्ने आशामा छौं, हामीले प्रयास गर्न छोड्नु हुदैन, हामीले हरेक अन्तर्राष्ट्रिय फोरममा कुरा उठाइरहेका छौं ।’ (एभरेष्ट न्यूज एजेन्सी)
