पोखरा । पोखरा महानगरपालिका वडा नं १५ स्थित रेन्बो एकेडेमिक होम्स आवासीय माविका सुरज भुजेलले माध्यमिक शिक्षा परीक्षा (एसईई)मा चार जीपीए प्राप्त गरेका छन् ।
शुक्रबार प्रकाशित नतिजा अनुसार प्रतिभाका ढकालले चार जीपीए प्राप्त गरेको विद्यालयका प्राचार्य बाबुराम बरालले जानकारी दिए ।
भुजेलसहित एसईईमा सहभागी ८९ जनाले नै उत्कृष्ट नतिजासहित शतप्रतिशत विद्यार्थी उत्तीर्ण भएको उनले बताए ।
उनका अनुसार रिवाश शेरपुञ्जा ३.९७, सुमित विक, सुमित पूर्जा, अम्रत्य खड्काले ३.९६, अनुयायी परियार ३.९५, निशान गुरुङ ३.९३ मल्लिका मल्ल र सरल राना ३.९२ जीपीए प्राप्त गरेका छन् ।
विद्यालयले विगतका वर्षमा एईई र एसएलसीमा पनि उत्कृष्ट नजिता हासिल गर्ने गरेको थियो ।
रेन्बो एकेडेमिक होम्स २०६० देखि एसएलसी एवं एसईईमा सहभागी हुँदै आएको छ ।
एसईईमा चार जीपीएसहित उत्तीर्ण हुने सबै विद्यार्थीलाई विद्यालय व्यवस्थापन समिति अध्यक्ष सुशीलराज पराजुली, प्राचार्य बाबुराम बराल, सहायक प्राचार्य टेक गुरुङ, संस्थापकद्वय खेमनारायण ढकाल, कृष्णप्रसाद ढकाल र कार्यक्रम संयोजक सञ्जीव कुँबरले बधाई ज्ञापन गर्दै समुज्ज्वल भविष्यकाे कामना गरेका छन् ।
विद्यार्थीले उत्कृष्ट नजिता हासिल गर्नुमा विद्यार्थीसँगै शिक्षक, अभिभावक, विद्यालय व्यवस्थापन समितिको मेहनत रहेको प्राचार्य बरालले बताए ।
२०५२ सालमा स्थापित विद्यालयमा हाल करिब एक हजार पाँच सय विद्यार्थी अध्ययनरत छन् । विद्यालयमा कक्षा ११ र १२ मा व्यवस्थापन संकायको पढाई हुँदै आएको छ ।
