चलचित्र विधेयकप्रति सञ्चारमन्त्री नै असन्तुष्टः ” न प्रगतिशील, न आधुनिक “

सञ्चार तथा सूचना प्रविधिमन्त्री जगदीश खरेलले चलचित्र विधेयक, २०८१ प्रति असन्तुष्टी जनाउनुभएको छ । राष्ट्रिय सभा अन्तर्गतको विधायन व्यवस्थापन समितिमा बुधवार भएको छलफलमा उहाँले नयाँ चलचित्र विधेयक, २०२६ सालको जतिको पनि नभएको बताउनुभएको हो । उहाँले विधेयक अपर्याप्त, अप्रगतिशील र पुरानो सोचमा आधारित भएको भन्दै असन्तुष्टी जनाउनु भयो । मन्त्री खरेलले नयाँ विधेयकले आधुनिक चलचित्र उद्योगको माग र संरचनालाई समेट्न नसकेको बताउनु भयो ।