भारतको बिहारबाट ७ महिला र बालबालिकाको उद्धार

भारतको बिहार राज्यको विभिन्न स्थानबाट ७ जना महिला तथा बालबालिकाहरुलाई उद्धार गरिएको छ । बालश्रममा लगाउन, भिख माग्ने काममा लगाउन तथा विवाहको झुटो प्रलोभन दिएर मान बेचविखनका लागि भारत लगिएको अवस्थामा ती महिला तथा बालबालिकाहरुलाई उद्धार गरिएको किन इण्डियाका नवीन जोशीले जानकारी दिनुभयो । रोटरी क्लव अफ पाटन दरबार स्क्वायर, रोटरी क्लव अफ बानेश्वर, शुभ अवसर ग्राम नेपाल, नेपाल प्रहरी लगायतको संघ संस्थाको सहयोगमा ती महिला तथा बालबालिकाहरुलाई बिहारको विभिन्न स्थानबाट उद्धार गरिएको उहाँले बताउनु भयो ।
सप्तरीको डाक्नेश्वरी गाउँपालिका ३का १६ वर्षिय मोहम्मद अजिज मिया, सप्तरीको शम्भुनाथ नगरपालिका ९ की १५ वर्षिया ज्योती मुखियालाई रौतहटको चन्द्रपुर नगरपालिका २का १४ वर्षिय निमेष माझीलाई बिहारको दरभंगा, धनुषाको दरखोरिया विर्ताका १४ वर्षीय विष्णु सदा, १० वर्षिय सुरज सदालाई बिहारको मधुवनी, सप्तरी मानराजाका ११ वर्षिय बचनकुमार सदाय र बारा कलैया उपमहानगरपालिका १४ कि ३३ वर्षिया संगिताकुमारी जयसवाललाई पूर्णियाबाट उद्धार गरिएको हो । सानै उमेरमा घर छोडेर बाहिर जाने परिपार्टी पछिल्लो समय बढ्दै गईरहेकोले यो समस्या जटिल बन्दै गईरहेको मधेस प्रदेश प्रहरी कार्यालयका प्रमुख गोविन्द थपलियाले बताउनु भयो ।
बाइट…गोविन्द थपलिया,प्रदेश प्रहरी प्रमुख मधेस
मधेसमा बालबालिका हराएको उजुरी दैनिक रुपमा आउने गरेको मधेस प्रदेश प्रहरी कार्यालयले जनाएको छ । समयमै बालबालिका हराएको उजुरी नआउँदा हराएका बालबालिकाहरुलाई खोज्न समस्या हुने गरेको प्रहरीले जनाएको छ ।