[adrotate banner= “3”]
अर्थमन्त्री वर्षमान पुनले इन्फरमेसन टेक्नोलोजीको क्षेत्रमा ५ वर्षसम्म कुनैपनि करका नीतिहरुमा परिवर्तन नगर्ने बताउनुभएको छ ।
शनिवारबाट ललितपुरमा शुरु भएको राष्ट्रिय आर्टिफिसियल इन्टेलिजेन्स सम्मेलन, २०८१ लाई सम्बोधन गर्दै उहाँले यस्तो बताउनुभएको हो । उहाँले इन्फरमेसन टेक्नोलोजीको क्षेत्रमा नेपालले अब फड्को मार्नुपर्ने बताउनु भयो । उहाँले नेपालका लागि आइटी क्षेत्र प्रतिष्पर्धा गर्नसक्ने क्षेत्र भएको पनि बताउनु भयो । उहाँले १० वर्षमा ३० खर्बको आइटी उत्पादन निर्यात गर्नसक्ने महत्वाकांक्षी योजना सरकारले ल्याएको पनि बताउनु भयो । उहाँले काठमाडौंमा तत्काल एउटा आइटी हब बनाउने र त्यसका लागि केही ठाउँहरु हेरिसकिएको पनि बताउनु भयो । उहाँले सात प्रदेशमा नै हबको रुपमा विकास गर्ने लक्ष्य रहेको बताउनु भयो । सरकारको तर्फबाट काठमाडौंमा कम्तिमा १० ठाउँमा तत्काल आइटी सेन्टरहरु स्थापना गर्ने र तीन वर्षलाई कुनैपनि शुल्क नलिने बताउनु भयो ।
उहाँले भन्नुभयो, ‘इन्फरमेसन टेक्नोलोजीको सेक्टरमा, आइटी वा आइसिटी सेक्टरमा अलिकति हामी फड्को मार्नुपर्छ । यो हाम्रो प्रतिष्पर्धा गर्नसक्ने क्षेत्र हो भनेर सरकारले अहिले बजेटबाट निकै ठूलो महत्वकांक्षा लिएको छ । हामी १० वर्षमा ३० खर्बको हामी सेवा निर्यात गर्नसक्छौँ, उत्पादन निर्यात गर्नसक्छौँ भन्ने सरकारको महत्वकांक्षी योजना छ । तर आइटी क्षेत्रका साथीहरुको यो महत्वकांक्षी होइन भन्ने थियो । उहाँहरुले १० वर्षमा त्यो भन्दा राम्रो गर्नसक्छौँ, १० वर्षमा प्रत्यक्ष ५ लाखलाई रोजगारी दिन सकिन्छ, १० लाखलाई अप्रत्यक्ष रोजगारी सिर्जना गर्न सकिन्छ भन्दा हामीलाई १० वर्ष चाहिँदैन भन्दै हुनुहुन्थ्यो । राम्रो कानूनी वातावरण, राम्रो पूर्वाधारका वातावरण दियो भने काम गर्न दिने वातावरण भयो भने १० वर्ष लाग्दैन । यो बजेट बनाइराख्दा निजी क्षेत्रका साथीहरु, बौद्धिक साथीहरु, यो क्षेत्रमा लागिरहेका साथीहरुको सल्लाहमा एउटा वस्तुगत तर महत्वाकांक्षी प्रश्ताव अघि सारेका छौँ । हामी ५ वर्षसम्म यस क्षेत्रको कुनैपनि करका नीतिहरुमा परिवर्तन गर्दैनौँ भनेका छौँ । काठमाडौंमा एउटा आइटी हब नै बनाउँछौँ भनेका छौँ । त्यसका लागि केही ठाउँहरु हेरिएको छ । सात प्रदेशमा नै हबको रुपमा विकास गर्ने । काठमाडौंमा कम्तिमा १० ठाउँमा तत्काल आइटी सेन्टरहरु तत्काल स्थापना गर्ने सरकारको तर्फबाट र तीन वर्षलाई हामी कुनैपनि शुल्क नलिएर खासगरी ठूलो उद्यमको रुपमा विकास गरिसकेका साथीहरु अघि बढ्नुहुन्छ । तर नयाँ स्टार्टअपहरुलाई पनि प्रोत्साहन गर्ने रुपले जानेछौँ । गत आर्थिक वर्षमा ६६ अर्ब बराबरको आइटी सेक्टरको सेवा वा उत्पादन निर्यात भएको छ भने यो वर्ष १ खर्ब नाघ्ने अनुमान देखिन्छ । यो राम्रो हो । यो क्षेत्र हामी प्रतिष्पर्धा गर्नसक्ने क्षेत्र हो ।’
अर्थमन्त्री पुनले गत आर्थिक वर्षमा ६६ अर्ब बराबरको आइटी सेक्टरको सेवा निर्यात गरेको र आगामी एक वर्षभित्र १ खर्बको आइटी उत्पादन निर्यात गर्ने लक्ष्य राखेको बताउनु भयो ।
[adrotate banner= “4”]
[adrotate banner= “5”]
[adrotate banner= “6′]
