[adrotate banner= “3”]
पुल्चोक इन्जिनियरिङ क्याम्पस, नेपाल ल क्याम्पस र टियु सेन्टर क्याम्पसका विद्यार्थीले इन्टर्नसिप गर्दा न्युनतम पारिश्रमीक पाउने भएका छन् ।
बिहीवार क्याम्पसमा एक कार्यक्रमबीच ६ वटा विभिन्न कन्स्ट्रक्शन र एयरलाइन्स कम्पनीहरुसँग विद्यार्थीहरुका लागि इन्टर्नसिपमा न्युनितम पारिश्रमीक उपलब्ध गराउने सम्झौता भएको हो । नेपाली काँग्रेस निकट भ्रातृ संगठन नेपाल विद्यार्थी संघको पहलमा तीन वटा कलेजमा पाइलट प्रोजेक्टमा रुपमा अघि बढाइएको नेपाल विद्यार्थी संघका सभापति दुजाङ शेर्पाले बताउनु भयो । उहाँले व्यवस्था परिवर्तन भएपनि विद्यालय र विश्वविद्यलयलाई परिवर्तन गर्न नसकिएको अवस्थामा नेविसंघको पहलमा पुल्चोक इन्जिनियरिङ क्याम्पस, नेपाल ल क्याम्पस र टियु सेन्टर क्याम्पसलाई पाइलट प्रोजेक्टको रुपमा इन्टर्नसिपमा न्युनतम पारिश्रमीक उपलब्ध गराउने सम्झौता गरिएको बताउनु भयो । उहाँले इन्टर्नसिप गर्दा न्युनतम पारिश्रमीक दिनेकुरालाई बिस्तारै देशव्यापी रुमा अघि बढाउने योजना रहेको बताउनु भयो ।
उहाँले भन्नुभयो, ‘व्यवस्था परिवर्तन त भइसक्यो । अब हाम्रो विद्यालय र विश्वविद्यलयलाई हामीले परिवर्तन गर्नुपर्छ । त्यहाँ पनि सुधार ल्याउनुपर्छ भनेर नेपाल विद्यार्थी संघले अर्जुनदृष्टिका साथ इन्टर्नसिप र आन्टर्नपिनरसिपमा फोकस भएका छौँ । हामीले तीन वटा कलेजलाई पाइलट प्रोजेक्टको रुपमा त्यहाँका विद्यार्थीलाई इन्टर्नसिपसँग जोड्ने भनेर पुल्चोक इन्जिनियरिङ क्याम्पस, नेपाल ल क्याम्पस र टियु सेन्टर क्याम्पसलाई पाइलट प्रोजेक्टको रुपमा लिएका छौँ । इन्टर्नसिपलाई त्यसपछि देशव्यापी रुपमा हरेक विद्यार्थीलाई इन्टर्नसिपसँग जोड्ने र पेइन्टर्नसिपसँग जोडेर आन्टरपिनरसिपसम्म पु¥याउने भन्ने उद्देश्यका साथ पुल्चोक इन्जिनियरिङ क्याम्पसबाट शुरु गरेका छौँ । ६ वटा विभिन्न कन्स्ट्रक्शन कम्पनीहरु, त्यससँगै एयरलाइन कम्पनीसँग इन्टर्नसिप शुरु गरेका छौँ ।’
यता, पुल्चोक इन्जिनियरिङ क्याम्पस प्रमुख डा.इन्द्रप्रसाद आचार्यले त्रिभूवन विश्वविद्यालय इन्जिनियरिङ अध्ययन संस्थानअन्तर्गत इन्जिनियरिङमा अध्ययन विद्यार्थीहरुका लागि इन्टर्न गर्नुपर्ने अनिवार्य प्रावधान रहेको र इन्टर्नसिपका लागि न्युनतम पारिश्रमीक दिनुले विद्यार्थीहरुलाई राम्रो हुने बताउनु भयो । उहाँले इन्टर्नसिपका लागि विभिन्न कम्पनीहरुले चासो देखाइरहेको पनि बताउनु भाये । उहाँले बिना पैसामा इन्टर्नसिप गर्ने भन्दा न्युनतम पारिश्रमीक दिने कुराले विद्यार्थीहरुका लागि राम्रो हुने बताउनु भयो ।
उहाँले भन्नुभयो, ‘आज जुन एमओयु भएको छ, यसमा त्रिभूवन विश्वविद्यालय इन्जिनियरिङ अध्ययन संस्थानअन्तर्गत इन्जिनियरिङमा अध्ययन विद्यार्थीहरुका लागि इन्टर्न गर्नुपर्ने कम्पलसरी कुरा छ । त्यसका लागि विभिन्न कम्पनीहरुले चासो देखाउनुभएको छ । त्यत्तिकै काम गराउने नभइ मिनिमम स्यालरी दिन सहमत भएर आउनुभएको छ ।’
उहाँले विद्यार्थीहरुलाई इन्टर्नमा पारिश्रमीक दिँदा धेरै सुविधा हुने बताउनु भयो ।
[adrotate banner= “4”]
[adrotate banner= “5”]
[adrotate banner= “6”]
