[adrotate banner= “3”]
सशस्त्र प्रहरी बलले चितवनको नारायणगढ—मुग्लिङ सडक खण्डको सिमलतालमा पहिरो जाँदा त्रिशुलीमा बेपत्ता भएकाहरुको खोजि कार्य तिब्र पारेको जनाएको छ ।
शुक्रवार बिहान चितवनको नारायणगढ—मुग्लिङ सडक खण्डको सिमलतालमा पहिरो जाँदा त्रिशुली नदीमा बेपत्ता यात्रुसहित दुई वटा बस बेपत्ता भएका थिए । जसमा जसमा ६० भन्दा बढी यात्रुहरु रहेको बताइएको छ । यद्यपि यकिन हुन अझै सकेको छैन । बसमा टिकट काटेर आउने बाहेकका यात्रुहरु पनि रहेको हुनसक्ने अनुमान छ । शुक्रवार बिहानबाटै नेपाली सेना, नेपाल प्रहरी र सशस्त्र प्रहरी बलले उद्धार तथा बेपत्ताको खोजि कार्य जारी राखेपनि आशातित परिणाम प्राप्त गर्न सकेको छैन । जसकारण सरकाप्रति आम नागरिकहरु रुष्ट छन् । सरकारले बेपत्ता नागरिकहरुको खोजि कार्यमा तदारुकता नदेखाएको गुनासो आम नागरिकको छ । न्युज एजेन्सी नेपालसँगको कुराकानीमा सशस्त्र प्रहरी बलका प्रवक्ता सशस्त्र प्रहरी नायव महानिरीक्षक कुमार न्यौपानेले त्रिशुली नदी यहाँबाट बुझेको र त्यहाँ भएको परिस्थितिमा धेरै फरक रहेको बताउनु भयो । न्युज एजेन्सी नेपालसँग कुरा गर्दै उहाँले अहिले नदीमा लेदोसहितको बाढी आइरहेकाले पानी धमिलो हुँदा बेपत्ताहरुको खोजि कार्य प्रभावित बनिरहेको बताउनु भयो । उहाँले धमिलो पानी र लेदोसहितको बाढीले सुरक्षा निकायले आशातित परिणाम दिन नसकेको बताउनु भयो । ४÷५ वटा शवहरु करिव ५५÷६० किलोमिटरको फरकमा फेला परेको र बसको अझै पत्ता नलागेको बताउनु भयो । उहाँले नेपाली सेना, नेपाल प्रहरी र सशस्त्र प्रहरी बल तीन वटै सुरक्षा निकायसँग भएको उच्चतम प्रविधिको प्रयोग गरेर खोज्ने काम भइरहेको बताउनु भयो । लेदो कम हुने र पानी केही मात्रामा संग्लिएको खण्डमा भने गोताखोर टोली नदीमा जान सक्ने र ड्रोन क्यामेरा प्रयोगबाट खोज्न सक्ने अवस्था आउने बताउनु भयो । रिबन मेथड, अण्डर वाटर ड्रोन र सोनार डिभाइस तीन वटै उपायको प्रयोग गरेर बपत्ताको खोजी भइरहेको बताउनु भयो । उहाँले विदेशबाट गोताखोर टोली ल्याएर खोज्दा परिणाम आउने भन्नेकुरा नेपालको परिवेशमा मेल नखाने बताउनु भयो । विदेशमा समुन्द्रमा खोज्ने गोताखोर टोली र नेपालमा त्रिशुली लगायतका नदीमा खोज्ने कुरा फरक हुने बताउनु भयो । उहाँले गोताखोर टोलीले प्रयोग गर्ने सामग्रीहरु एउटै हुने भन्दै विदेशको गोताखोर टोली आउँदैमा नतिजा निस्किहाल्ने भन्ने नहुने बताउनु भयो । नेपालकै गोताखोर टोलीले छिटै बेपत्ताहरुको खोजी गर्ने आश रहेको बताउनु भयो ।
उहाँले भन्नुभयो, ‘सशस्त्र प्रहरी बलसँग भएको ३७ हजार १५३ हालको जनशक्तिमध्ये करिव २२ सय जनशक्ति विपद् उद्धारसँग सम्बन्धित तालिमप्राप्त जनशक्ति रहेको छ । त्यसको अलावा अरु हामीसँग भएको जनशक्ति १७ हजार ७२० जना प्रत्यक्ष रुपमा परिचालित भएका छन् । त्रिशुली नदी हामीले यहाँबाट हेरेको र त्यहाँको परिस्थिति धेरै फरक छ । त्यसमाथि अहिलेका त्रिशुली जहाँ लेदोसहितको बाढी छ । त्यसकारणले पनि हामीसँग भएका हाम्रा जनशक्तिले जुन किसिमले नतिजा दिन सक्नुपर्ने हो, त्यो नतिजा निस्किन सकेको छैन । त्यसमा हामी पनि दुःखी छौँ । सशस्त्र प्रहरी बलसँग भएको जनशक्तिले ति उद्धार कार्यहरु सम्पन्न गर्नसक्छ भन्ने आम जनसमुदायको अपेक्षा थियो । र सकाँै भन्ने अपेक्षासहित काममा तल्लिन छौँ । तर आशातित परिणाम आउन सकेको छैन । ४÷५ वटा शवहरु करिव ५५÷६० किलोमिटरको फरकमा देखिरहेका छन्, तर बसको अत्तोपत्तो छैन । मान्छेले राज्यले गरेको छैन, अहिलेसम्म परिणाम आउन सकेको छैन भन्ने नकारात्मक कुराहरु आइरहेको छ, आफन्तजन पनि राज्यले बेवास्ता गरेको हो की भन्ने कुरा थियो । त्यो स्वभाविक हो, रिजल्ट नपाउँदा त्यस्तो लाग्नु स्वभाविक हो । सशस्त्र प्रहरी बल, नेपाल प्रहरी र नेपाली सेना तीन वटै सुरक्षा निकायसँग भएको उच्चतम प्रविधिको प्रयोग गरेर हामीले प्रयत्न गरिरहेका छौँ । आशातित परिणाम आएको छैन । लेदो कम भएर अलिकति भएपनि पानी संग्लियो भने हाम्रो गोताखोर त्यहाँ भित्र गएर ड्रोन क्यामेरा प्रयोग गरेर खोज्न सकिन्थ्यो, त्यो पनि सकिएको छैन । पानी परेन भने त्यो नतिजामा पुग्नछौँ । रिबन र मेथड, अण्डर वाटर ड्रोन र सोनार डिभाइस यि तीन वटा मेथड छन् । अहिले ११० जना गोताखोर हुनुहुन्छ हामीसँग । त्यहाँको र यहाँको अवस्था फरक हुन्छ, त्यहाँको समुन्द्र र यहाँका त्रिशुली जस्ता नदीमा खोज्नेमा धेरै फरक हुन्छ । बाहिरबाट ल्याएर परिणाम आइहाल्छ की भन्ने लाग्दैन । बंगलादेश पठाएर तालिम सिकाएका गोताखोरहरु पनि हामीसँग छन् । केहीले जागिर छोडिसके केही बाँकी छन् । हाम्रै गोताखोरले यो काम सम्पन्न गर्नसक्छन् । तर पानी अलिक संग्लो हुनुपर्छ, जताबाट गोताखोर ल्याएपनि प्रयोग गर्ने सामग्रीहरु भनेको उही नै हो ।’
उहाँले सशस्त्र प्रहरी बलसँग अहिले ११० जना गोताखोर रहेको बताउनु भयो । सशस्त्र प्रहरी बलसँग भएको ३७ हजार १५३ हालको जनशक्तिमध्ये करिव २२ सय जनशक्ति विपद् उद्धारसँग सम्बन्धित तालिमप्राप्त जनशक्ति रहेको बताउनु भयो । अन्य १७ हजार ७२० जनशक्ति प्रत्यक्ष रुपमा परिचालित भएका पनि बताउनु भयो ।
[adrotate banner= “4”]
[adrotate banner= “5”]
[adrotate banner= “6”]
