[adrotate banner= “3”]
अर्थ समितिका सभापति सन्तोष चालिसेले देशमा सबैभन्दा ठूलो आवश्यकता इमान्दारिता भएको बताउनुभएको छ ।
बुधवार सिंहदरबार वैद्यखानाको ३० औं वार्षिकोत्सव समारोहमा बोल्दै उहाँले यस्तो बताउनुभएको हो । उहाँले सिंहदरबार वैद्यखानालाई सबै मिलेर सञ्चालन गर्नुपर्ने बताउनु भयो । उहाँले ३७५ वर्षअघि स्थापना भएको सिंहदरबार वैद्यखाना अहिले धराशायी बन्नु दुःखद् भएको बताउनु भयो । उहाँले १५० किसिमका औषधिहरु बनाउने वैद्यखाना अहिले शुन्य सरह बन्नु दुःख लागेको बताउनु भयो । उहाँले लामो समय धराशायी भएको संस्थालाई सञ्चालन गर्ने प्रयास गर्नु नै राम्रो कदम भएको बताउनु भयो । उहाँले सबैमा गरौँ भन्ने भावना जागृथ गर्नसके देश विकास गर्न सम्भव नहुने बताउनु भयो ।
उहाँले भन्नुभयो, ‘सबैभन्दा महत्वपूर्ण कुरा ३७५ वर्षअघि स्थापना भएको, प्रताप मल्लले स्थापना गरेको, कुनैबेला १५० किसिमका औषधिहरु व्यापक रुपमा बन्ने गरेको संस्था आज धराशायी भएको छ । आजको सबैभन्दा ठूलो आवश्यकता भनेको इमान्दारिताको हो । स्वास्थ्यमन्त्री प्रदीप पौडेल आएपछि तपाईंहरुले तीन महिनाको हिसावकिताव निकाल्नुस् । धेरै समय धराशायी भएको चिजलाई चाँडो भन्दा चाँडो उठाएर दौडाउन सकिएन तर प्रयास ठूलो कुरा हो । आज प्रयास भएको छ । एउटा गर्ने व्यक्तिले अर्को गर्ने व्यक्तिलाई सहयोग गर्नुपर्छ । हामी सबैको भावनामा गरौँ भन्ने भाव पलाउनु पर्छ ।’
सभापति चालिसेले एउटा गरौँ भन्ने व्यक्तिले अर्को काम गर्ने व्यक्तिलाई सहयोग गर्नुपर्ने बताउनु भयो ।
[adrotate banner= “5”]
[adrotate banner= “4”]
[adrotate banner= “6”]
