गोरखा । गोरखामा कुवामा डुबेर बिहीबार एक महिलाको ज्यान गएको छ ।
मृत्यु हुनेमा पालुङटार नगरपालिका वडा नं ६, ठूलाचौरकी ६७ वर्षीया कृष्णामाया कामी छन् ।
जिल्ला प्रहरी कार्यालयका प्रहरी निरीक्षक धुव्रप्रसाद शर्माका अनुसार कामी करिब पाँच फिट गहिरो कुँवामा मृतावस्थामा भेटिएकी थिइन् ।
शव देखेपछि स्थानीयले प्रहरीलाई खबर गरेका थिए ।
मृतकको शव उद्धार गरी परीक्षणपछि अन्त्येष्टिका लागि परिवारलाई बुझाइएको उनले बताए ।
