म्याग्दी । म्याग्दीमा सवारी दुर्घटना हुँदा एक जनाको ज्यान गएको छ । मृत्यु हुनेमा मंगला गाउँपालिका वडा नं ३ बरङजाका ४६ वर्षीय थमबहादुर रोका छन् ।
शनिबार साँझ बेनी नगरपालिका वडा नं ६ डम्मरामा ग१ ५७३५ टिपरले ध७प ४००५ नम्बरको मोटरसाइकललाई ठक्कर दिँदा रोका र बेनी नगरपालिका वडा नं ७ मंगलाघाटका ४५ वर्षीय प्रेम शाही गम्भीर घाइते भएका थिए ।
रोकाको मेडिकल कलेज पोखरामा उपचारका क्रममा ज्यान गएको जिल्ला प्रहरी कार्यालय म्याग्दीले जनाएको छ ।
घाइते शाहीको मणिपाल शिक्षण अस्पताल पोखरामा उपचार भइरहेको प्रहरी निरीक्षक सागर पौडेलले जानकारी दिए ।
टिपरका चालक बेनी नगरपालिका वडा नं ५ पुलाचौरका ३८ वर्षीय खिमे दर्जीलाई नियन्त्रणमा लिएर दुर्घटनाबारे थप अनुसन्धान भइरहेको प्रहरी निरीक्षक पौडेलले जानकारी दिए ।
