पोखरा । पोखरा महानगरपालिका वडा नं १५ स्थित रेन्बो एकेडेमिक होम्स माविको कक्षा नर्सरीदेखि तीन सम्मका अभिभावक भेला सम्पन्न भएको छ ।
कार्यक्रम उद्घाटन गर्र्दै पोखरा १५ का वडाध्यक्ष तोरण बानियाले गुणस्तरीय शिक्षाका लागि सबैले ध्यान पुर्याउनुपर्ने बताए ।
कार्यक्रममा पोखरा महानगरपालिकाका वरिष्ठ शाखा अधिकृत कृष्ण भण्डारी, अभिभावक धनराज पुरी, पुस्तक लेखक तथा प्रशिक्षक सुशिला श्रेष्ठलगायतले बोलेका थिए ।
विद्यालय व्यवस्थापन समिति अध्यक्ष सुशिलराज पराजुलीको अध्यक्षतामा भएको कार्यक्रममा सहायक प्राचार्य टेकबहादुर गुरुङले स्वागत तथा शिक्षिकाहरु लक्ष्मी सुनार, सिर्जना पोखरेल र शुष्मा गुरुङले सञ्चालन गरेका थिए ।
कार्यक्रममा २०८० को वार्षिक परीक्षामा प्रथम, द्वितीय र तृतीय हुन सफल कक्षा नर्सरीदेखि १२ सम्मका विद्यार्थीलाई पुरस्कार प्रदान गरिएको थियो ।
कार्यक्रममा विद्यार्थीले स्वागत गीत तथा नृत्य, बाल गीत, चलचित्रका गीत, स्लो प्रस्तुति, जुम्वा नृत्यलगायतका सांगीतिक र सांस्कृतिक प्रस्तुति प्रस्तुत गरेका थिए । साथै विद्यार्थीले विभिन्न जातजातिका भेषभूषा प्रदर्शनसमेत गरेका थिए ।
२०५२ सालमा स्थापित विद्यालयमा हाल करिब एक हजार पाँच सय विद्यार्थी अध्ययनरत छन् । विद्यालयमा कक्षा ११ र १२ मा व्यवस्थापन संकायको पढाई हुँदै आएको छ ।
