पोखरा । वीरगञ्जबाट पोखरा आउँदै गरेको बसको ठक्करबाट चितवनमा एक जनाको ज्यान गएको छ । मृत्यु हुनेमा चितवन खैरहनी नगरपालिका वडा नं ३ गोठशोरका ४४ वर्षीय बलराम मैनाली छन् । मैनाली रिक्सा चालक हुन् ।
प्रहरीका अनुसार दुर्घटनामा गम्भीर घाइते भएका उनको नयाँ मेडिकल कलेज भरतपुरमा उपचारको क्रममा मृत्यु भएको हो ।
सोही दुर्घटनामा गम्भीर घाइते भएका एक जनाको सोही अस्पतालमा उपचार भइरहेको प्रहरीले जनाएको छ ।
शनिबार दिउँसो चितवन खैरहनी नगरपालिका वडा नं ८ मगनीचोकमा ग२ख १६२२ नम्बरको बसले रिक्सालाई ठक्कर दिँदा दुर्घटना भएको हो ।
बस चालकलाई नियन्त्रणमा लिएर दुर्घटनाबारे थप अनुसन्धान भइरहेको प्रहरीले जनाएको छ ।
