पोखरा । हाल देशमा पश्चिमी वायुको प्रभाव रहेको छ । जसको प्रभावले कोशी प्रदेश लगायत देशका पहाडी भूभागमा आंशिक बदली रही बाँकी भूभागमा आंशिक बदलीदेखि मौसम मुख्यतया सफा रहेको मौसम पूर्वानुमान महाशाखाले जनाएको छ । आज तराईका केही स्थानमा हुस्सु लागेको छ ।
आज दिउँसो गण्डकी, कोशी र बागमती प्रदेशका पहाडी भूभागको एक-दुई स्थानमा चट्याङसहित हल्का वर्षाको सम्भावना छ । साथै देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना छ ।
विभागका अनुसार आज राति गण्डकी, कोशी र कर्णाली प्रदेशको हिमाली क्षेत्रमा आंशिकदेखि साधरणतया बदली रही एक-दुई स्थानमा हल्का हिमपातको सम्भावना छ भने पहाडी क्षेत्रमा आंशिकदेखि साधरणतया बदली रहने छ ।
साथै गण्डकीसहित कोशी र बागमती प्रदेशका पहाडी भूभागको एक-दुई स्थानमा चट्याङसहित हल्का वर्षाको साथै देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना छ ।
गण्डकी प्रदेशको राजधानी पोखरामा आज बिहान ७ बजेको तापक्रम १३ डिग्री सेल्सियस छ । आज तापक्रम अधिकतम् २३ डिग्री सेल्सियस पुग्ने अनुमान गरिएको छ ।
आज वर्षाको सम्भावना नभएको, सापेक्षित आद्रता ५३ प्रतिशत रहेको र पोखराको आकाशमा आंशिक बादल लाग्ने बताइन्छ ।
