पोखरा । ठूलो परिमाणमा लागूऔषध बोकेर पोखरा आउँदै गरेका एक युवक पक्राउ परेका छन् ।
पक्राउ पर्नेमा सप्तरी घर भई हाल पोखरा महानगरपालिका वडा नं २ बाग्लुङ बसपार्क बस्दै आएका २५ वर्षीय दीपेश चौधरी छन् ।
इलाका प्रहरी कार्यालय शिशुवाबाट खटिएको प्रहरी टोलीले पोखरा-३२ मजुवास्थित पृथ्वी राजमार्गमा सवारीसाधन चेकजाँच गर्ने क्रममा चौधरी पक्राउ परेका थिए ।
उनको साथबाट चार केजी गाँजा बरामद भएको कास्की प्रहरीले जनाएको छ ।
पक्राउ परेका चौधरीविरुद्ध कास्की जिल्ला अदालतबाट लागुऔषधसम्बन्धी मुद्दामा सात दिन म्याद लिएर अनुसन्धान प्रक्रिया अघि बढाइएको प्रहरीले जनाएको छ ।
