पोखरा । बाजुरामा भिरबाट लडेर एक जनाको ज्यान गएको छ ।
मृत्यु हुनेमा स्वामीकार्तिक खापर गाउँपालिका वडा नं २ फयालगाउँका अन्दाजी ४२ वर्षीय पुसे भण्डारी छन् ।
जिल्ला प्रहरी कार्यालयका निमित्त प्रमुख प्रहरी नायब उपरीक्षक जनक बोहराका अनुसार आइतबार बेलुकी कर्णाली नदीमा माछा मार्न जाने क्रममा नदी नजिकै रहेको हाँडेको भिरबाट लडेर भण्डारीको मृत्यु भएको हो ।
उनको घटनास्थलमै मृत्यु भएको डीएसपी बोहराले जानकारी दिए । घटनाको थप अनुसन्धान भइरहेको प्रहरीले जनाएको छ ।
