पोखरा । पोखरा महानगरपालिका वडा नं १३ आर्वास्थित सिमलचौर बराल कुलायन संरक्षण समितिले कुल संरक्षणमा योगदान पुर्यउने व्यक्तित्वलाई सम्मान गरेको छ ।
कुल पूजाको अवसरमा समिति संरक्षक कृष्णप्रसाद बराल, ज्येष्ठ नागरिक कृष्णराज बराल, नीलकण्ठ बराल, कलाधर बराल, पितृप्रसाद बराल र नन्दकली बराललाई सम्मान गरिएको समिति सदस्य अन्जु बरालले जानकारी दिइन् ।
उनीहरूलाई पोखरा-१३ का वडाध्यक्ष किरण बराल, समिति अध्यक्ष घनश्याम बराल र उपाध्यक्ष मिथिला बरालले सम्मानपत्र र दोसल्लासहित सम्मान गरेका हुन् ।
कार्यक्रममा वडाध्यक्ष बरालले ज्येष्ठ नागरिक समाजको दर्पण भएको भन्दै उहाँहरुको प्रेरणाले समाज विकासमा योगदान पुग्ने बताए ।
उनले यस क्षेत्रलाई धार्मिक पर्यटकीय क्षेत्रको रूपमा विकास गर्न स्थानीय सरकार प्रतिबद्ध रहेको बताए ।
समिति अध्यक्ष घनश्याम बरालको अध्यक्षतामा भएको कार्यकममा समाजसेवी भूपेन कुँवर, समिति सचिव घनश्याम बराललगायतले सामुहिक भावनाले नै समाज समृद्ध बन्ने बताए ।
कार्यक्रमको संचालन प्रचार संयोजक बाबुराम बरालले गरेका थिए ।
