पोखरा । नीति एकेडेमी पोखराले पुरस्कार हस्तान्तरण गरेको छ ।
पोखरा महानगरपालिका वडा नं ६ को सहयोगमा एकेडेमीले हालै आयोजना गरेको डिजिटल मार्केटिङ तथा जेनेरेटिभ एआई टुल्ससम्बन्धी तालिममा सहभागीमध्ये उत्कष्ट भएका दुई विद्यार्थीलाई पाँच हजार रुपैयाँ पुरस्कार हस्तान्तरण गरिएको हो ।
गत शुक्रबार तालिम समापनमा प्रशिद्ध परियार र संयम परियारलाई उत्कृष्ट विद्यार्थी घोषणा गरिएको थियो । प्रशिक्षक डम्मर षडायतले विभिन्न मूल्यांकनका आधारमा प्रशिद्ध र संयमलाई उत्कृष्ट विद्यार्थी घोषणा गरेका थिए ।
आइतबार वडाध्यक्ष विष्णुबहादुर भट्टराईको उपस्थितिमा नीति एकेडेमीका अध्यक्ष माधव पोखरेलले पुरस्कार रकमको चेक हस्तान्तरण गरेका हुन् ।
सो अवसरमा वडाध्यक्ष भट्टराइले नीति एकेडेमीले निकै नौलो कार्य गरेको भन्दै खुशी व्यक्त गरे ।
एकेडेमीका अध्यक्ष पोखरेलले नवीन सोचका साथ एकेडेमीलाई अघि बढाइएको बताए ।
एक महिना सञ्चालित तालिममा २६ जना सहभागी थिए ।
नीति एकेडेमीले ग्राफिक डिजाइन, वेव डिजाइनिङ, डिजिटल मार्केटिङ, वेसिक तथा डिप्लोमा कम्प्युटर ट्रेनिङ, सफ्टवेयर डेभलपमेन्ट र आरजे एवं भीजे ट्रेनिङ गर्दै आएको छ ।
हालसम्म नीति एकेडेमीले करिब पाँच सय विद्यार्थीलाई शिक्षा प्रदान गरी रोजगार दिन सफल भएको छ ।
