पोखरा । पोखरा महानगरपालिका वडा नं ६ बैदामस्थित जगदम्बा आमा समूहको अध्यक्षमा सीता पहारी निर्वाचित भएकी छन् । समूहको १८औँ साधारणसभा तथा ११औँ अधिवेशनले पहारीलाई सर्वसम्मत अध्यक्षमा निर्वाचित गरेको हो ।
समूहको प्रथम उपाध्यक्षमा सीता पहारी (छघरे), द्वितीय उपाध्यक्ष गोमा पहारी, तृतीय उपाध्यक्ष गीता पहारी सचिवमा दुर्गा सुवेदी, कोषाध्यक्षमा लक्ष्मी तिमिल्सिना, सहसचिव शारदा पहारी, सहकोषाध्यक्ष शान्ता पहारी छन् ।
कार्यसमिति सदस्यमा सावित्री पहारी, धनुमाया कोइराला, लक्ष्मी गौतम, राधा पहारी, तारा अधिकारी, लक्ष्मी सुवेदी, लक्ष्मी पहारी, शान्ति श्रेष्ठ, विद्या पौडेल र भगवती अधिकारी छन् ।
यसअघि कार्यक्रम उद्घाटन गर्दै गण्डकी प्रदेश सभा सदस्य देवका पहारीले समाजमा रहेका विकृति विसङ्गतिलाई न्यूनीकरण गर्दै जनचेतना फैलाउन आमा समूहले महत्वपूर्ण भूमिका खेलेको बताइन् ।
महिलालाई संविधानले दिएको अधिकारको बारेमा समाजमा रहेका महिला दिदीबहिनीलाई ज्ञान हुन आवश्यक रहेको भन्दै उनल् महिलालाई आर्थिक उपार्जनसँग जोड्न आवश्यक रहेको बताइन् ।
पोखरा ६ का वडासदस्य बासु बरालले समाज भइरहेका महिला हिंसाविरुद्ध आवाज उठाउन आवश्यक रहेको बताए ।
समूहकी अध्यक्ष हेमा पहारीले आफ्नो क्षेत्रभित्र फोहोर मैला व्यवस्थापनदेखि कोभिड र डेङ्गु रोगको बारेका जनचेतनासहित जनचेतनामूलक कार्यक्रम सञ्चालन गरिउको बताइन् ।
आगामी दिनमा सदस्यका आर्थिक स्तर सुधार गर्न कार्यक्रम ल्याउनु पर्ने उनको भनाइ छ ।
नवनिर्वाचित अध्यक्ष सीता पहारी स्थानीय निकायसँग समन्वय गरेर सीपमूलक तालिम आयोजना गर्ने प्रतिबद्धता जनाइन् ।
कार्यक्रममा महिला सञ्जाल बैदामकी अध्यक्ष बबिता मल्ल, समूहका सल्लाहकार गोविन्दराज पहारी, पदमराज पहारी, सचिव गीता पहारी, नमूना आमा समूहकी अध्यक्ष जुना अधिकारी, सस्थापक अध्यक्ष गीता सुवेदी, पूर्वअध्यक्ष दुर्गादेवी पहारीलगायतले कार्यक्रममा बोलेका थिए ।
