पोखरा । नेपाल प्रहरीको डीएसपी हुँ भन्दै धम्क्याउने र अभद्र व्यवहार गर्ने एक जना आइतबार राति पक्राउ परेका छन् ।
पक्राउ पर्नेमा बाग्लुङ नगरपालिका वडा नं. ४ कुडुलेफेदीका ३२ वर्षीय चन्द्रकान्त पौडेल छन् ।
कास्की प्रहरीका अनुसार पौडेलले पोखरा महानगरपालिका वडा नं ८ सिर्जनाचोकस्थित ढावा रेष्टुरेन्ट एण्ड बारमा खानेकुरा खाएर बिल तिर्नुपर्नेमा उल्टै प्रहरीको डीएसपी हुँ भन्दै धम्की दिनुका साथै काउण्टरका कर्मचारीमाथि अभद्र व्यवहार गरेका थिए ।
त्यसपछि बारको सूचनाका आधारमा वडा प्रहरी कार्यालय बैदामको टोलीले पौडेललाई पक्राउ गरेको हो ।
उनीबिरुद्ध अभद्र व्यवहारसम्बन्धी मुद्दामा जिल्ला प्रशासन कार्यालय कास्कीबाट १० दिन म्याद थप गरी अनुसन्धान प्रक्रिया अघि बढाइएको कास्की प्रहरीका सूचना अधिकारी डीएसपी वसन्तकुमार शर्माले जानकारी दिए ।
