राष्ट्रपति रामचन्द्र पौडेलले वैशाख १९ गते शुक्रवार संघीय संसदको दुवै सदनलाई सम्बोधन गर्नुहुने भएको छ ।
मंगलवारको प्रतिनिधि सभा बैठकमा सभामुख देवराज घिमिरेले राष्ट्रपति कार्यालयबाट प्राप्त पत्रको व्यहोरा सदनसमक्ष पढेर सुनाउँदै यसबारेमा जानकारी गराउनुभएको हो । उहाँकाअनुसार राष्ट्रपति पौडेलले नेपालको संविधानको धारा ९५ बमोजिम संवत २०८२ साल वैशाख १९ गते शुक्रवारका दिन ३ बजे संघीय संसदको दुवै सदनको संयुक्त बैठकलाई सम्बोधन गर्नुहुनेछ । राष्ट्रपतिको सम्बोधनको कार्यक्रम भएकाले प्रतिनिधि सभाका सम्पूर्ण सदस्यहरुलाई उक्त दिनको पौने ३ बजे नै आफ्नो आफ्नो आसनग्रहण गरिसक्नु हुन आग्रह गर्नुभयो ।
सभामुख घिमिरेले भन्नुभयो, ‘सम्माननीय राष्ट्रपति श्री रामचन्द्र पौडेलज्युबाट नेपाल सरकार मन्त्रीपरिषद्को सिफारिसमा नेपालको संविधानको धारा ९५ बमोजिम संवत २०८२ साल वैशाख १९ गते शुक्रवारका दिन ३ बजे संघीय संसदको दुवै सदनको संयुक्त बैठकलाई सम्बोधन हुने भनेर त्यसका लागि सदनको उपस्थिति आह्वान गर्नुभएको व्यहोरा अनुरोध गर्दछु । सम्माननीय राष्ट्रपति रामचन्द्र पौडेल नेपालको संविधानको धारा ९५ बमोजिम वि.सं. २०८२ साल वैशाख १९ गते शुक्रवार दिनको ३ बजे संघीय संसदको दुवै सदनको संयुक्त बैठकलाई सम्बोधन गर्ने कार्यक्रम रहेको हुँदा प्रतिनिधि सभाका सम्पूर्ण मान्य सदस्यहरु उक्त दिनको २ः४५ बजे भित्र नै आफ्नो आफ्नो आसनग्रहण गरिसक्नु हुन अनुरोध गर्दछु । साथै उक्त दिन समयमा माननीय सदस्यहरुको लागि निर्धारण गरिएको पोशाकमा उपस्थित भइदिनु हुन समेत अनुरोध गर्दछु ।
उक्त दिन समयमा निर्धारण गरिएको पोशाकमा उपस्थित हुन पनि आग्रह गर्नुभयो ।
