पोखरा । उपप्रधानमन्त्री एवं शहरी विकासमन्त्री प्रकाशमान सिंहले नेपालको अर्थतन्त्र सकारात्मक लय समाउने दिशामा अघि बढिरहेको बताउनुभएको छ ।
अन्तर्राष्ट्रिय श्रमिक दिवसको अवसरमा नयाँ बानेश्वर व्यापार व्यवसायी संघले आयोजना गरेको वृहत खुला रक्तदान तथा निःशुल्क स्वास्थ्य शिविर कार्यक्रममा बोल्दै उपप्रधानमन्त्री सिंहले यस्तो बताउनुभएको हो । राष्ट्र बैंकलगायत विभिन्न स्रोतका तथ्यांकहरूले अर्थतन्त्र बिस्तारै सुधारको क्रममा रहेको स्पष्ट पार्ने बताउनु भयो । उहाँले कार्यक्रममा नयाँ बानेश्वर व्यापार व्यवसायी संघले स्थानीय व्यापारीहरूको हितका लागि सक्रिय भुमिका खेलिरहेको उल्लेख गर्दै मन्त्री सिंहले यस्ता अभियानले सामाजिक उत्तरदायित्व निर्वाह गर्न योगदान पु¥याउने विश्वास व्यक्त गर्नुभयो । स्वास्थ्य सेवाको पहुँच अभाव भइरहँदा निःशुल्क स्वास्थ्य शिविरको महत्व झनै बढेको मन्त्री सिंहको भनाइ छ ।
उहाँले भन्नुभयो, ‘नेपालको अर्थतन्त्रका सूचकहरु बिस्तारै सकारात्मक हुँदै गएका छन् । समाचारका आधारमा मात्र नभई राष्ट्र बैंकदेखि सबैको तथ्यांक हे¥यौं भने अर्थतन्त्र लय समाउने दिशातर्फ हिँडिरहेको छ । व्यापारीको हितको लागि काम गरिरहेको नयाँ बानेश्वर व्यापार व्यवसायी संघ लागेको छ । बिरामीको आकस्मिक उपचारको लागि काठमाडौं फ्रि हेल्थ क्याम्पले सहयोग गर्नेछ ।
आम नागरिकले आधारभुत स्वास्थ्य सेवा प्राप्त गर्न स्वास्थ्य शिविरहरुले महत्वपूर्ण भुमिका खेल्ने उल्लेख गर्दै उहाँले यस्ता शिविरहरु देशभर आयोजना गर्नुपर्ने बताउनु भयो ।
