पोखरा । पोखराको सेती नदीमा डुबेर एक युवकको ज्यान गएको छ ।
मृत्यु हुनेमा बागलुङको निसीखोला गाउँपालिका वडा नं ३ स्थायी घर भई हाल पोखराकाे मझेरीपाटन बस्ने १८ वर्षीय युवराज विक छन् ।
प्रहरीका अनुुसार आज दिउँसो करिब २ बजे पोखरा महानगरपालिका वडा नं १४ खाल्टेमसिनास्थित सेती नदीमा पौडी खेल्ने क्रममा डुबेर विक बेपत्ता भएका थिए ।
घटनाको जानकारी पाउने वित्तिकै सशस्त्र प्रहरी बल नेपाल नं. २४ कालिका गण कास्कीबाट सशस्त्र प्रहरी निरीक्षक भोला श्रेष्ठको नेतृत्वमा खटिएको गोताखोर टोलीले करिब डेढ घण्टाको प्रयासमा विकको शव निकालेको हो ।
घटनाका बारेमा अनुसन्धान भइरहेको प्रहरीले जनाएको छ ।
