पोखरा । कास्की अन्नपूर्ण गाउँपालिकाको फुलिबाङ आसपास केन्द्रविन्दु भएर आज बिहान भूकम्प गएको छ ।
राष्ट्रिय भूकम्प मापन तथा अनुसन्धान केन्द्रका अनुसार बिहान ११ बजेर ५६ मिनेट जाँदा ४दशमलव४ रेक्टर स्केलको भूकम्प रेकर्ड गरिएको हो।
नेपालमा भूकम्प जाने क्रम पछिल्लो समय जारी रहेको छ । यसअघि जेठ १२ गते जाजरकोट जिल्लाको रामीडाँडा आसपास केन्द्रविन्दु भएर ४दशमलव३ रेक्टर स्केलको भूकम्प गएको थियो।
नेपाल हिमालय क्षेत्रमा अवस्थित भएकाले भूकम्पीय जोखिमको उच्च क्षेत्रका रूपमा लिइन्छ।
